E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Faza e dytë e Superligës, ja 5 përballjet që do të zhvillohen sot

23 Dhjetor 2020, 08:35, Sport CNA

Do të nisë ditën e sotme faza e dytë e Kategorisë Superiore. Sfida që spikat mbi të tjerat është ajo mes Kukësit dhe Tiranës. Në fazën e parë ishin bardheblutë që triumfuan 2-0, megjithatë shumë ka ndryshuar nga ajo kohë. Verilindorët vijnë ns këtë ndeshje pas një humbje dhe do të kërkojnë të reagojnë përballë një kundërshtari direkt. Nga ana tjetër, kampionët në fuqi të Superiores, ndalën serinë e fitoreve pas barazimit me Skënderbeun, por të besuarit e trajnerit Nevil Dede do të provojnë të rinisen për t?u ngjitur në klasifikim. Sakaq, për Tiranën do të mungojë Marse Ismajlgeci pas kartonit të kuq në ndeshjen e fundit, ndërsa i gatshëm nuk është as Vangjeli si pasojë e dëmtimit.

Ndërkohë, një sfidë shumë e luftuar pritet të jetë edhe ajo mes Laçit dhe Bylisit. Në javën e kaluar, kurbinasit e trajnerit Shpëtim Duro morën fitoren e parë në drejtimin e tij dhe këtkojnë të gjejnë vazhdimësinë për t?u rikthyer në ?shina?, teksa këtë sezon kanë objektiva madhorë. Megjithatë, edhe Bylis është në një moment pozitiv dhe shpreson të dalë me pikë nga transferta.

Sakaq, Teuta e Edi Martinit, pasi u zhbllokua ndaj Apolonisë duke marrë tre pikë të plota pas gjashtë ndeshjeve që e mbyllte në barazim, shpreson të vazhdojë në rrugën e sukseseve. Përballë tyre është Skënderbeu, i cili pikët i ka të nevojshme për t?iu larguar fundit të tabelës.

Nga ana tjetër, Partizani pret Kastriotin, teksa krutanët janë konfirmuar një ?kockë e fortë? për të gjithë. Megjithatë, të besuarit e trajnerit Ilir Daja kanë detyrimin për të fituar dhe për t?iu rikthyer suksesit që nuk e gjejnë në 4 takimet e fundit.

Ndërkaq, Vllaznia kryesuese ka një ndeshje të lehtë në letër teksa luan me Apoloninë. Shkodranët kërkojnë të rikthehen te fitorja e fierakët duken kundërshtari i duhur për ta bërë këtë, por gjithsesi fusha do të vendosë.

Ndeshjet:

13:45 Apolonia-Vllaznia

13:45 Skënderbeu-Teuta

13:45 Partizani-Kastrioti

13:45 Laçi-Bylis

16:45 Kukësi-Tirana