web counter
LEXO PA REKLAMA!

SHKARKO APP

App Store
Google Play

E fundit!

x

Blendi Fevziu: Enver Hoxha e bastardoi problemin e Kosovës ndërkombëtarisht

22 Dhjetor 2020, 19:47, Politikë CNA

Drejtuesi i emisionit ?Opinion? në Tv Klan, Blendi Fevziu gjatë intervistës së dhënë për ?Ilva Now? duke folur për marrëdhënien Shqipëri-Kosovë evidentoi dy probleme që vëren në sjelljen e klasës politike në Prishtinë për çështjen e bashkimit kombëtar.

Gazetari i njohur tha se, Shqipëria nuk e përdor Kosovën për të ushtruar presion tek Bashkimi Evropian dhe as anasjelltas por ai bëri fajtor klasën politike në të dy vendet për mungesën e një bashkimi kombëtar pa një vendim politik por me bashkërendimin e politikave. Z. Fevziu tha se ende në Kosovë ekziston një problem lidhur me ndihmën e Shqipërisë pasi shumë prej shqiptarëve të Kosovës janë ithtarë të Enver Hoxhës duke e konsideruar atë si mbrojtës të çështjes së bashkimit kombëtar.

?Ka dy probleme që personalisht nuk i pëlqej në Kosovë tek klasa politike; nuk mund të jesh edhe ithtar i Enver Hoxhës edhe të kontestosh sjelljen e Shqipërisë pas vitit 1990 të thuash nuk e ka ndihmuar Kosovën sepse në qoftë se është një ndihmë që ka marrë Kosova është politika pas vitit 1990, e cila e ndërkombëtarizoi çështjen e Kosovës, e evidentoi dhe e mbështeti në raport me Enver Hoxhë që ka bërë një nga bastartizimet më të mëdha të problemit të Kosovës ndërkombëtarisht, i cili e konsideroi të mbaruar praninë e Kosovën nën Jugosllavi dhe nuk ka bërë asnjë ndihmë në përjashtim të disa fjalimeve.

E dyta dhe këtu e kam me znj. Osmani, nuk është ndarja e shqiptarëve trau i rrugës së kombit, i cili mund të jetë një tra i shtrenjtë apo i lirë, kjo është një çështje që mund të diskutohet. Mund të jetë nesër një tra në autostradën e Kosovës pasi ju shihni atje që janë të vendosura ?pagatore?. Trau që ndan shqiptarët e Shqipërisë dhe shqiptarët e Kosovës është trau i politikanëve, të cilët defaktorizimin e tyre në një hapësirë më të madhe e konsiderojnë fatal dhe tentojnë të jetojnë në hapësirat e tyre më të vogla. Pra nëse ka një përgjegjëse për mos rakordimin e politikave janë protagonizmat politike të Prishtinës dhe Tiranës. Sondazhet janë pro bashkimit kombëtar por të vetmit që flasin ndryshe  dhe veprojnë ndryshe janë politikanët./euronews





Lajmet e fundit nga