web counter
LEXO PA REKLAMA!

SHKARKO APP

App Store
Google Play

E fundit!

x

Sondazhet e PS - PD, LSI drejt shkërmoqjes

20 Dhjetor 2020, 09:21, Politikë CNA

Partitë politike kanë filluar fushatën e tyre, PD kryesisht mediatike, PS pasi ka mbyllur një tur në terren i është rikthyer lëvizjeve mediatike por edhe kok më kokë, LSI gjithashtu duket shumë aktive në terren, por edhe Bindja dhe Topalli janë në aksion të përditshëm komunikimi me shqiptarët.

Të gjitha këto aksione politike shoqërohen me sondazhe të cilat përsëriten javë pas jave me pyetësorë të ndryshëm për të kuptuar cili do jetë drejtimi i votës të qytetarëve, cilat janë pritshmëritë e tyre për të ecur më tej në strategjitë elektorale me premtimet, por njëra palë edhe me veprime konkrete.

Palët përpiqet të lexojnë votën e tyre por edhe të kundërshtarit, gjithashtu ajo që bie në sy është pritshmëritë që kanë aleatët e medhenj për partitë e vogla.

Janë 4 forca të reja politike që pritet të garojnë në këto zgjedhje, Lëvizja për Ndryshim e Topallit, Nisma Thurje, partia e Murrizit dhe Bindja e Astrit Patozit.

Këto faktorë të rinj politikë,  përfshi dhe LSI, PSD apo parti të tjera të vogla mund të jenë diferenca e qeverisjes së nesërme, prandaj forcat e mëdha politike në sondazhet e tyre kanë përfshirë gjithmonë partitë e vogla.

LSI është shembulli i dy mandateve  se nga do anojë pushteti por duket se tashmë po e humb këtë ?luks?.

Sipas sondazheve të publikuara në media por edhe ato që mbahen konfidente nga zyrat e Rilindjes, LSI ka një rrudhje të pandalshme dhe në rang kombëtar nuk shkon as 3-4%, dhe në disa qarqe nuk do mund të sigurojë mandate si më parë.

PD është më e kujdeshme në sondazhet e saj e cila e nxjerr LSI diçka më lart por më të dobët se më parë.

Sipas të dhënave nga partia e Bashës, sondazhet e bëra kohët e fundit tregojnë një ulje të madhe të LSI, e cila mund të shkojë edhe më shumë se përgjysmimi i votave.

Këto sondazhe tregojnë qartë fenomenin që ka ndodhur së fundi me partinë e ?florinjtë? të Ilir Metës dhe Monika Kryemadhit.

Personazhe të rëndësishme politike të kësaj force, ish-deputetë, ish-ministra dhe besnikë të Ilir Metës kanë ikur nga Kryemadhi drejt Edi Ramës duke ju bashkuar partisë nga ata dolën 16 vite më parë.

Mona dhe politika e saj nuk kanë mundur të mbajnë bashkuar LSI, dhe duket se largimet po sjellin efektet e tyre, partia e Metës po shkon drejt shkërmoqjes dhe atë që nuk mundi ta bëntë Rama dhe Basha së bashku po e bën Monika me dorën e saj./CNA.al





Lajmet e fundit nga