E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Kamoleze fillon punë në kombëtaren shqiptare, por çfarë roli ka konkretisht?

13 Dhjetor 2020, 09:30, Sport CNA

Aspak transparencë. Shumë dyshime për një ?mister?. Pikërisht, mister siç trajnerët italianë thërriten në Shqipëri me respekt, por edhe mister si vetë dyshimet që ngjall figura e Xhankarlo Kamolezes në strukturat e ekipeve kombëtare në vend

KAMOLEZE

Pranë strukturave të ekipeve Kombëtare në FSHF, mungonte një nga figurat kryesore. Nëse për hierarki, Edi Reja është kryetrajneri i Kombëtares, në organigramë, ka edhe një drejtor teknik, njeriu që drejton edhe më gjerë lëvizjen futbollistike të Kombëtareve. Njeriu që përpilon strategjinë e punës, si me strukturat rajonale në vend, edhe me skautët jashtë vendit.

E për këtë, FSHF nuk ka bërë asnjë transparencë, duke e mbuluar me shumë mister funksionin që Xhankarlo Kamoleze ka marrë. ?De Facto?, ?Panorama Sport? ka mësuar se Kamoleze ka nisur punën si drejtor teknik pranë ekipeve Kombëtare. Në këtë rol, gjatë javës që lamë pas ai ka zhvilluar një mbledhje për rreth 15 minuta në FSHF, duke dhënë udhëzimet dhe urdhrat për strukturat rajonale që fokusi kryesor të jetë te zbulimi i sa më shumë talenteve.

MISTERI I KOMBËTARES

Mirëpo, për çfarë ka ndodhur me dhe nga Kamoleze, në mënyrë të mistershme FSHF e ka injoruar dhe fshehur totalisht. Asnjë njoftim, për pozicionin e tij, punën e nisur prej tij. Mister i plotë. Mirëpo, duke qenë që posti i trajnerit të Kombëtares A, ka qenë shpesh peng i rezultateve dhe humorit që krijon klima në Kombëtare, atëherë duket se Kamoleze projektohet në avancë si një ?mister-trajner? në hije.

Kamoleze ka ndjekur së fundmi nga afër edhe ndeshjet e Kombëtares A. Ish-kandidati për të pasuar Kristian Panuçin para se të gjendej akordi me Edi Rejën, ka nisur punën pranë Federatës Shqiptare të Futbollit, por deri më tani institucioni i futbollit e ka lënë në hije. Ndoshta fiks, si roli i tij, për të qenë ?misteri? në hije i kuqezinjve për çfarëdolloj skenari në të ardhmen?