Besnik Hasi kujton ndeshjen me Anglinë: Ja si Xhumba e shante Bekamin

11 Dhjetor 2020, 08:51, Sport CNA

Në futboll ka rëndësi që të përputhen gjërat në momentin e duhur?, kjo është një frazë që Besnik Hasi e përdor për të thënë që mundësia e dhënë për të drejtuar Kombëtaren, nuk ka qenë në momentin ideal. Mirëpo, në një intervistë ekskluzive për ?Panorama Sport?, ish-kapiteni gjakovar i kuqezinjve ruan etikën në respekt të Rejës për të mos dhënë përgjigje të prerë për stolin e Kombëtares, por deklaron që edhe Duka e di se ka ardhur koha për trajner shqiptar. Cilido qoftë ai.

Në analizën e tij, Hasi e sheh të vështirë përballjen me Poloninë dhe Anglinë, teksa shprehet se me gjasë mund të mos marrim asnjë pikë ndaj tyre, porse shpjegon indirekt me shembullin e ekipit të tij në Arabinë Saudite kur përballet me gjigantët e Al Raedit se si mund ta provojë Shqipëria. ?Duke bllokuar pikat e forta të kundërshtarit, duhet gjetur mënyra se si do sulmojmë. Pasi vetëm të mbrohemi, nuk mjafton. Shqipëria ka potencial dhe duhet guxuar pak më tepër?, deklaron Hasi që nuk kursen vlerësimet për çfarë ka parë së fundmi nga kuqezinjtë e Rejës.

Le të flasim për Kombëtaren. Çfarë opinioni keni për shortin?
E vështirë! Kemi dy ekipe që me siguri do të mundemi në shtëpi edhe jashtë. Por, kemi ekipet e tjera që janë gjithashtu shumë të vështira. Me Anglinë kemi luajtur disa herë dhe e dimë çfarë force ka. Polonia ka rritje të madhe së fundmi, si dhe ka Levandovskin. Edhe Italia apo ekipe të tjera e kishin problem me të. Është më lart se Shqipëria.

Hasi, krahas viteve me Kombëtaren, ju jeni trajner me shumë eksperiencë. Si duhet t?i përballojmë Poloninë dhe Anglinë? (qesh?)
Shiko? Çfarë të them?? Unë për shembull luajta tani ndaj e Al Hilalit, skuadër pesë herë më e mirë sesa ne. Çdo lojtar i tyre është klas, si të huajt edhe vendasit që ka. Nga skema 4-3-3 që kam aplikuar, punova me rreshtimin 3-5-2, me detyra specifike për prapavijën, por pa luajtur me 5 mbrojtës. Qëndroj me katër mbrojtës dhe njëri nga anësorët, është më tepër ofensiv. Dy qendrat e mbrojtjes, me dy anësorët, rrinin para dhe lija qendërmbrojtësin (e treshes) një kundër një me sulmuesin e tyre. E bëja këtë, që me mbrojtësit e mi anësorë, jo vetëm të bllokoja anësorët e tyre, por edhe të kisha mundësinë që kur kishim ne topin, të niseshim në kundërsulm. Sepse me ekipe të forta, nuk është çështja të kesh topin, por çfarë të bësh kur e ke në zotërim. Në çdo situatë, kërkoja një lojtar të avancuar, të lirë për të vrapuar. Ju më pyetët për Shqipërinë dhe unë ju thashë çfarë bëra unë, duke dashur të shpjegoj që duhet gjetur mënyra që pikat më të forta të kundërshtarit t?i bllokosh dhe në të njëjtën kohë të reagosh dhe ndërtosh sulmet. Unë kam ekip shumë herë më të vogël se shumë këtu në kampionat, por zumë vendin e 6 vjet jo duke mbrojtur, por edhe duke sulmuar. Shpesh, mbrojtja më e mirë është sulmi.

Ju keni luajtur ndaj saj, si kanë qenë përballjet me Anglinë? (Qesh?)
Po qesh sepse sa herë më kujtohet një episod ndaj Anglisë. Anglia kishte shumë yje, mirëpo Bekam ishte më i famshmi. Një episod në mesfushë, me një spërkatë të Lalës, dy apo tre vetë ne. Por, nuk mbaron me kaq. Sepse në këtë moment, u grumbulluan të gjithë dhe Bekam nuk kishte fare lidhje. Kthej kokën dhe shoh Xhumbën që i bërtiste Bekamit. Duke mos ditur asnjë fjalë anglisht, po shante Bekamin, edhe pa e ditur se çfarë po i thoshte. Bekam i tha: ?Çfarë ke me mua? S?kam lidhje në këtë rast?. Mirëpo Xhumba vazhdonte. I them: ?Ore Xhumba, po çfarë ke mër burr se s?kishte të bënte Bekami?!?. ?Ku di unë, thjesht po e shaj??, më tha, dhe më vinte për të qeshur. Ai e kishte në kokë, për ta sharë lojtarin më të famshëm në atë moment.

Po në aspektin sportiv?
Ishin shumë të vështira, por kujton që kemi bërë ndeshje të mirë. Me aq mundësi sa kishim ne. Kishim shumë shpirt gare dhe grupi, por përballë tyre nuk mjaftonin për rezultat pozitiv. Neve na ka munguar ambicia, mendësia që ta synonim kualifikimin. Sepse nuk e shihnim veten aq lart sa që mund të kualifikohemi. Asgjë tjetër, pasi ishim grup, ishim shokë, prisnim me padurim datën e Kombëtares.