web counter
LEXO PA REKLAMA!

SHKARKO APP

App Store
Google Play

E fundit!

x

“I kishte fobi armët, s’kishte hasmëri”/ Flasin shokët e Klodjan Rashës: Kishte dalë për cigare

9 Dhjetor 2020, 09:49, Kronika CNA

Pas vrasjes së Klodian Rashës nga efektivi i policisë, kanë folur shokët e ngushtë të 25 vjecarit.

Dy miqtë e Klodjan Rashës, me të cilët ai ka qendruar në orët e fundit para se të vritej nga Policia, shprehen se 25-vjeçari nuk ka pasur armë, madje kishte fobi prej tyre. Në një komunikim me gazetarët para banesës, ata shprehen se Klodjani kishte dalë për të blerë cigare në një kioskë që qendron e hapur 24 orë në zonën e Don Boskos, dhe asnjëherë nuk ka pasur konflikte dhe probleme me të tjerët.

?Unë jam shoku i Klodjanit, ka qenë njeriu që ka gëzuar respektin e të gjithëve atyre që e kanë takuar,. Aq sa jam unë tani i armatosur, aq është edhe Klodjani, nuk ka pasur prbleme me asnjë njeri, ai ka qenë me ne deri në 11 të natës, dhe e dimë shumë mirë këtë.
Nuk ka qenë një njeri që mund të cilësohej i rrezikshëm, ka dalë për të blerë cigare te një kioskë që qendron e hapur 24 orë. Policia brenda një kohe të shkurtër ka dhënë tre njoftime të ndryshme, ai është qëlluar pas shpine. Arma nuk i përkiste Klodjan Rashës, ai ka qenë me ne deri në 11 të natës, nuk kishte probleme, nuk ishte në asmëri, nuk ka pasu asnjë arsye për të pasur armë.
Asnjë problem nuk ka pasur, ka qenë si një njeri i zakonshëm. Nuk është në intersesin e Policisë së Shtetit që një punonjës i saj të vrasë nga pas një 26-vjeçar. Ky është një krim nuk është një vrasje nga pakujdesia. Çfarë kërcënimi është kur ti largohesh me vrap?!?, shprehen miqtë e Klodjan Rashës./CNA.al





Lajmet e fundit nga