Raporti i parlamenit Europian që çmendi mediat në Tiranë

8 Dhjetor 2020, 09:46, Aktualitet CNA

Disa ditë më parë Komisioni i Parlamentit Europian publikoi një raport i cili ishte një akuzë e madhe për mediat shqiptare, një akuzë për kastën mediatike, mënyra sesi shërbejnë ato dhe sjelljen që ato kanë. U tentua në fillim të heshtej, pra që të mos reagohej për këtë raport. Dikush tentoi ta shpallte edhe si fitore, në fakt ishte një njollë e zezë për shtypin e shkruar dhe median televizive në Shqipëri, pa përjashtuar këtu edhe portalet.

Raporti i Komisionit të Parlamentit Europian thotë qartë se Top Channel është përfshirë në dezinformim, pra një nga televizionet kombëtare dhe televizionet më të mëdhaja në vend. Më pas flet për Ora News-in e Ylli Ndroqit për të cilin thotë se akuzohet si trafikant droge e kështu më radhë, përfshirë gazetën Tema apo JOQ.

Përfshihet vetë kryeministri në këtë raport dezinformues apo dhe mediat e reja opozitare që mashtruaa publikisht për 1300 ton mbetje të Italisë apo për tërmetin që do të binte në orën 22:30. Pra të githa këto detaje do kalonin pa u përmendur, pa vemendjen e opinionit publik në rast se CNA.al dhe ndonjë portal tjetër nuk do të raportonin, por edhe në rast se nuk do të merrte vëmendjen e ish kryeministrit Sali Berisha i cili e publikoi në faqen e tij në rrjetet sociale. Kanë reagur menjëherë kasta politike, secila e lexon raportin sipas qejfit të vet, por të gjithë kanë një thelb. Në finale duan ta qujanë të pavlerë, të palexueshëm, të pavërtetë këtë raport.

Në fakt ai raport është shumë me vlerë, shumë i lexueshëm dhe shumë u vërtetë.

Faktet janë dy, shqiptarët i shohin çdo ditë dhe i dinë të vërtetat, ato të verteta që thotë Top Channel, përshembull sa të lumtur jetojnë shqiptarët me 178 milionë euro koncesion inceneratorësh për djegie plehrash që kalojnë në dy apo tre duar ortakësh të zonjës Vjollca Hoxha, pronares së Top Channel. Që këtu ka marrë fund çdo gjë, parimi i medias, ka marrë fund çdo liri e saj, ka vdekur media e lirë. i mund të jetë një pronar televizioni ortak me biznesmenin e inceneratorëve të akuzuar për korrupsion nga opozita apo më keq akoma të ketë drejtor një person që shpesh akuzohet nga qytetarët se iu grabit pronat në Dardhë apo në Dhërmi, një ish politikan, ish deputet, kryetar i një partie të dëshuar E ku është fjala e lirë këtu? Pa shkuar më tej tek mediat pro qeveritare, tek Carlo Bollino, tek Ylli Nroqi tek Irfan Hysenbelliu, tek Çim Peka, Sandër Frangaj e kështu me radhë. Raporti, në fakt nuk përmend disa media por është i drejtpërdrejtë në qendrimi e tij, është i qartë dhe thotë Top Channel, Ora News, gazeta Tema dhe JOQ.

Ndoshta ka teprime, ka këndvështrime të gabuara, por raporti i parë me qetësi dhe me sy pozitivist tregon gjendjen skandaloze ku ndodhet media në Shqipëri dhe kasta e saj. Shikoni pronarët e televizioneve, shikoni pronarët e gazetave, kush ishin kush janë, çfarë biznese kishin dhe çfarë biznese kanë, me kë kanë ndenjur dhe me kë rrinë. Sa afër qeverisë janë dhe gjithçka kuptoht pse Parlamenti Europian raporton për dezinformim.

Pra, Komisioni i Parlamentit Europian raporton për dezinformim kur lehtësisht mund të jepte me dhjetëra e qindra shembuj jo vetëm për pronarët por edhe për gazetarët, për shoqatata e mediave, për bizneset lidhura me qeverinë, për aferat korruptive, për njerëzit e medias që punojnë brenda administratës apo bizneset që ata kanë dhe influenca që ushtrojnë për fake news-et e servirura si shërbim ndaj qeverisë por pa lënë mënjanë dhe fake news e përgatitura nga si çorbë në oborrin e opozitës.
Raporti duket se i ka çmendur të gjithë, edhe ata që janë në moshë pensioni, dhe të rinjtë që duan të ecn përpara në krah të disa pronarëve mediatikë të lidhur me sistemin e korruptuar në Shqipëri. Por fakti është fakt, mediat në Shqipëri dezinformojnë. E tha ose jo Parlamenti Europian, e tha ose jo Këshilli i Europës, janë me dhjetëra raste, qytetarët i shohin, i prekin çdo ditë dhe papagajtë mediatikë që kundërshtojnë këtë raport, nuk bëjnë gje tjetër thjesht dhe vetëm duke dalë sa më shumë në ekran iu neveriten pafundësisht shqiptarëve./CNA.al

Raporti i Komitetit të Parlamentit Europian/ Akuza për dezinformim gazetës ?Tema? dhe ?JOQ?

Raporti i Komitetit të Parlamentit Europian/ Top Channel dhe Ora News dezinformojnë publikun