Po SPAK?/ ARRSH "kuçedra" e fondeve të shqiptarëve

5 Dhjetor 2020, 11:52, Aktualitet CNA

Autoriteti Rrugor Shqiptar është institucioni që gllabëron shumicën e fondeve që vjnë nga taksat e shqiptarëve por edhe donatorëve të huaj. Institucion ky që qarkullon, disa miliarda euro fonde investime, qarkullon paratë e rindërtimit të Shqipërisë, së infrastukturës e të tjera.

Por çfarë ndodh?

Mjafton të shikosh javët e fundit sesi ky institucion iu kanë kushtuar shqiptarëve disa dhjetëra milionë euro në investime më tëpër sesa duhet të ndodhte. Pra tendera që bëhen me gara të padrejta kur nuk fiton as i pari, as i dyti, as i treti, por fiton edhe i shtati apo edhe i shtatëmbëdhjeti pasi skualifikohen me dhjetra subjekete me justifikime nga më të ndryshmet. Dikush do të thotë se procedura ligjore është e rregullt pasi nuk ka shkelje por në fakt SPAK i ka shkeljet gati sepse janë disa kompani të cilat fitojnë për të njëjtat kritere një tender dhe për të njëjtat kritere humbin një tender tjetër, megjithëse çmimin e kanë ofruar më të ulët. Kjo ka ndodhur me ARRSH!

Duket që shumica e tenderave në këtë institucion janë thuajse të paravendosura, janë të ditura nga të gjitha kompanitë, mjaton të pyesësh tek ndërtuesit në Shqipëri dhe secili të tregon se kush do të fitojë çfarë, sa është fondi, kush është projekti dhe garat duken totalisht formale. Ai që e përgatit terrenin e fiton në fund. Në finale shqiptarët do të detyrohen të paguajnë nga mungesa e një gare të vërtetë disa dhjetra milionë euro apo më tepër. Tre milinë euro më shumë këtu, pesë milionë atje matanë e kështu me radhë.

Pra bëhen projekte me kompani të cilat ndërhyjnë dhe ngrenë gjithçka për ta fituar në fund, prandaj gara duket të jetë formale. Edhe pse kompania del e nënta apo e njëmbëdhjeta , ajo e fiton tenderin pasi të tjerat skualifikohen. Kështu ndodh me shumë invesitme, kështu po ndodh sidomos dy muajt e fundit në Shqipëri me tenderat e ARRSH.

Një abuzim skandaloz që u kushton shqiptarëve dhjetëra milionë euro, mos themi çdo ditë, por çdo javë më shumë shuma nga taksat e tyre për tenderat skandalozë të cilat SPAK nuk ka sy t?i shohë. SPAK po merret me dhjetë mijë lekë të vjetra për korrupsionin e një polici në rrugë, por nuk merret me drejtorët e ARRSH, me strukturat e korruptuara dhe të kalbura të këtyre institucioneve që sot janë jo vetëm gropa e thellë e taksave të shqiptarëve por edhe institucionet më të korruptuara ku taksat e shqiptarëve çohen tek kompani private për interesa personale të drejtueve të politikës që shkojnë deri tek kryeministri./CNA.al