web counter
LEXO PA REKLAMA!

SHKARKO APP

App Store
Google Play

Olsi Rama pas derbit: Gjykimi? Po bëjmë si dasmorët për fishekzjarre

5 Dhjetor 2020, 09:09, Sport CNA

Drejtori i përgjithshëm i Partizanit, Olsi Rama, në një prononcim për ?Panorama Sport? menjëherë pas mbylljes së ndeshjes derbi, pranoi se rezultati i barabartë ishte i drejtë, por do të ishte më bukur nëse barazimi do të ishte me gola. Gjithashtu, Rama tha se ekipi ishte përgatitur gjatë gjithë javës që të merrnin maksimumin në këtë sfidë, por duke parë mënyrën si shkoi ndeshja, maksimumi që mund të merrnin ishte barazimi.

Një derbi pa gola, mendoni se ishte rezultat i drejtë apo Partizani meritonte diçka më shumë?
Prisja më shumë nga Partizani në këtë ndeshje. Terreni nuk na la të dalim në lojën tonë. Një barazim ishte rezultat i drejtë, do të ishte më bukur të dilte një barazim me gola.

Në pjesën e dytë, u duk se Partizani u tërhoq disi. Ndodhi kjo për shkak se ky ekip donte të shmangte humbjen dhe u pajtua me një barazim?
Nuk jam trajneri dhe nuk më takon mua të shikoj vendosjen e lojtarëve në fushën e lojës. Ne gjatë gjithë javës jemi stërvitur që ta fitojmë këtë ndeshje dhe i gjithë impenjimi ishte që të merrnin maksimumin. U duk se maksimumi për sot, ishte barazimi.

Penalltia e pretenduar nga Tirana?
Jemi bërë si puna e dasmorëve që shkojnë në dasmë për të parë vetëm fishekzjarrët. Ishte një rast i diskutueshëm, Muçi kërkoi kontakt dhe u hodh përpara me kontaktin me Asanin. Unë kam qenë kritik me arbitrat në shumë pak raste. Përpara se të merremi me fishekzjarrët, të merremi me mbarëvajtjen e lojës. Torasa goditi me bërryl lart Belicën, Najdovski ndërhyri ndaj Kardozos, që sipas UEFA-s dhe FIFA-s, një ndërhyrje nga mbrapa me këmbën e ngritur është i kuq. I pashë të gjithë komentet, ishin vetëm për Muçin.





Lajmet e fundit nga