web counter
LEXO PA REKLAMA!

SHKARKO APP

App Store
Google Play

Nga kush duhet të ketë kujdes Tirana, këta janë të të rrezikshmit e Partizanit

3 Dhjetor 2020, 12:25, Sport CNA

Partizani ndoshta nuk ka një sulmues goli, një 9-sh klasik, që të jetë cinik dhe të ndëshkojë në çdo mundësi që i jepet. Ndoshta nuk ka një goleador që të arrijë në shifrën e +20 golave në kampionat, por ka një forcë grupi që jo çdo ekip e ka.

Trajneri Ilir Daja ka ?rilindur? Jurgen Bardhin, i cili në rolin e ri si mesfushor po bën mjaft mirë. Gjithashtu, edhe Solomon e Kardozo duken përforcime të reja këtë sezon për Partizanin. Në prag të derbit, Daja ka disa ?armë? të rrezikshme, që mund të bëjnë dhe diferencën ndaj Tiranës dhe t?u japin fitoren të kuqve.

BARDHI ? Jurgen Bardhi është një prej lojtarëve që bën diferencën. 23-vjeçari ka shënuar dy gola radhazi në dy sfidat e fundit dhe duket në një formë mjaft të mirë. Në intervistën e tij për ?Panorama Sport? pas fitores 4-0 kundër Skënderbeut, Bardhi pranoi se do të dëshironte të shënonte edhe në derbi.

SOLOMON ? Në kuotën e dy golave në kampionat, është edhe sulmuesi Theofilus Solomon. Nigeriani nuk po luan në rolin e tij natyral si qendërsulmues, por po përdoret nga Daja si mesfushor i majtë. Me teknikën e tij dhe me hapin karakteristik drejt qendrës, Solomon ka qenë i rrezikshëm për çdo mbrojtës të djathtë me të cilin është përballur. Edhe Solomon gjeti rrjetën kundër Skënderbeut dhe duket i uritur për më shumë gola.

KARDOZO ? Vështirë të lësh Lukas Kardozon jashtë listës së lojtarëve që mund të bëjnë diferencën në derbi. Brazilianit i është besuar maja e sulmit nga trajneri Ilir Daja dhe po e shpërblen mjaft mirë besimin. Dy gola dhe për Kardozon në Superiore, një të shënuar kundër Kukësit dhe një kundër Skënderbeut.





Lajmet e fundit nga