web counter
LEXO PA REKLAMA!

SHKARKO APP

App Store
Google Play

Dënohet korçari se i dha ryshfet policit/ SPAK “thyen” arkën e shtetit: 500 lekët të kalojnë atje

27 Nëntor 2020, 10:33, Kronika CNA

Një aferë korruptive me 500 lekë të reja ndaj një polici rrugor, e kryer nga korçari me iniciale E.N., ka çuar këtë të fundit si të pandehur para gjykatës së SPAK-ut, duke e dënuar me 40 orë punë të detyrueshme, për interesin publik.

Dosja e korrupsionit që po flasim, është e denjë për të futur SPAK në rekordin ?Guinness?, pasi kjo prokurori ka hetuar dhe marrë të pandehur, E.N. nga Korça, për akuzën e ?Korrupsionit aktiv të personave që ushtrojnë funksione publike?.

Sipas gazetarit Elton Qyno, i riu është arrestua në qytetin e Korçës, pasi u kap teksa i ka dhënë një polici rrugor, shumën prej 5 mijë lekë të vjetra. Ky veprim është cilësuar si korrupsion dhe është inicuar një dosje penale, duke vënë në akuzë qytetarin për 500 lekë. Në vendimin përfundimtar gjykata thotë se: “?shuma e parave e sekuestruar, në cilësinë e provës materiale, një kartëmonedhë 500 lekëshe, të konfiskohet dhe të kalojë në favor të shtetit??.

Ky është dënimi i radhës i qytetarëve të korruptuar që ka dhënë SPAK, për akuzën e korrupsionit. Këto dosje penale, e kanë kthyer punën e këtij institucioni në qesharake, pasi të gjithë çështjet e korrupsionit i kanë kaluar për hetime kësaj organike.

Ky dënim i E.N. vjen pas një tjetër ‘sukses’ i SPAK-ut. Dy ditë më parë një tjetër dosje penale e Prokurorisë së Posaçme SPAK, përfundoi me dënimin e Rigels Ymerit. Ai u dënua me 16 muaj qëndrim në shërbim prove, pasi është gjendur fajtor për akuzën e korruptimit, me 1000 lekë të një punonjësi policie./





Lajmet e fundit nga