web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtarja që u sulmua nga Opozita/ Alma Ahmeti pa shtëpi dhe me kredi

18 Nëntor 2020, 10:17, Vetingu CNA

Me 17 korrik 2020 Komisioni i Pavarur i Kualifikimit ka nisur hetimet-Vetting për gjyqtaren e Kukësit Alma Ahmeti.
Kjo e fundit një eksperiencë të shkurtër ka edhe në Gjykatën e Lartë si ndihmëse ligjore.

Gjyqtarja Ahmeti në vitin 2018 është sulmuar nga opozita pas protestës në rrugën e Kombit, për vendosjen e trarit tarifor.
Në prill 2018 trupi gjykues, i kryesuar nga gjykatësja Alma Ahmeti ka vlerësuar si të ligjshëm arrestimin e 23 protestuesve, pas ngjarjeve të dhunshme në Kukës si dhe ka vendosur të lërë në burg 11 prej tyre.

Vendimi nuk u prit mirë në atë kohë nga opozita e cila ka hedhur akuza të forta në drejtim të gjyqtares si dhe kryeministrit Edi Rama, duke u shprehur se drejtësia është kapur nga pushteti i inkriminuar.

Por, gjyqtarja ndaj të cilës opozita lëshoi akuza të forta është emëruar ngai sh-presidenti Bamir Topi në kohën e PD.
Sa i përket pasurisë, gjyqtarja Ahmeti rezulton e pastrehë. Ajo nuk ka të deklarruar asnjë lloj patundshmërir. Burimet e të ardhurave gjyqtarja i ka nga paga e saj dhe e bashkëshortit.

Më poshtë po sjellim pasurinë e deklaruar nga gjyqtarja Alma Ahmeti.
Viti 2009 (Deklarata fillestare)

Gjendje 200 000 lekë.
Të ardhura si studente në Shkollëne Magjistraturës, 40 800 lekë dhe 42 500 lekë.

Viti 2009 (Deklarata vjetore)
Të ardhura të subjektit deklarues nga puna si gjyqtare në Tiranë, 800 679 lekë.
Të ardhura nga paga ee bashkëshortit, oficer policie në Berat, 876 000 lekë.

Viti 2010
Të ardhura të subjektit deklarues nga puna si gjyqtare dhe nga raporti i lindjes, 730 000 lekë.
Të ardhura nga paga e bashkëshortit, 816 000 lekë.

Viti 2011
Depozitë bankare 200 000 lekë.
Të ardhura të subjektit deklarues nga puna si gjyqtare në Kukës 819 84 lekë dhe shpërblim 9 000 lekë.

Viti 2012
Depozitë kursimi fëmijës 25 000 lekë.
Të ardhura të subjektit deklarues nga puna si gjyqtare në Kukës, 72 462 lekë dhe shpërblim 18 000 lekë.
Të ardhura nga puna e bashkëshortit, Polici Rrugore, 825 06 lekë.
Kredi në shumën 600 000 lekë. Pa shlyer 572 758 lekë.

Viti 2014
Të ardhura të subjektit deklarues nga puna si gjyqtare, 974 549 lekë.
Të ardhura nga puna e bashkëshortit, Polici Rrugore, 988 776 lekë.
Kredi në shumën 100 000 lekë. Pa shlyer 863 620 74 lekë.

Viti 2015
Të ardhura të subjektit deklarues nga puna si ndihmëse ligjore në Gjykatën e Lartë, 893 034 lekë.
Të ardhura nga puna e bashkëshortit, Polici Rrugore, 1 008 543 lekë.
Kredi në shumën 2 000 000 lekë. Pa shlyer 1 988 039 21 lekë.
Overdraft, 180 000 lekë. Pa shlyer 124 981 51 lekë.

Overdraft nga bashkëshorti, 200 000 lekë.

Viti 2016
Të ardhura të subjektit deklarues nga puna si ndihmëse ligjore në Gjykatën e Lartë dhe si gjyqtare në Kukës, 333 927 lekë dhe 735 860 lekë.
Të ardhura nga puna e bashkëshortit, Polici Rrugore, 778 612 lekë.
Kredi bankare 600 000 lekë. Pa shlyer 1 814 328 lekë.
Overdraft 100 000 lekë.
Automjet Peugeot në emër të bashkëshortit me vlerë 2 400 euro.
Bashkëshorti ka shitur automjetin tip Audi, 3 500 euro.

Viti 2017
Të ardhura të subjektit deklarues nga puna si gjyqtare në Kukës, 1 232 499 lekë.
Të ardhura nga puna e bashkëshortit, Polici Rrugore dhe Drejtoria e Përgjithshme e Policisë së Shtetit, 364 926 lekë dhe 532 768 lekë.
Kredi në shumën 1 800 000 lekë. Pa shlyer 1 581 022 33 lekë.
Overdraft 100 000 lekë. Pa shlyer 59 038 79 lekë.
Bashkëshorti ka shitur automjetin tip Peugeot, 2 200 euro.

Viti 2018
Blerë Smart, 1 300 euro.
Të ardhura të subjektit deklarues nga puna si gjyqtare në Kukës, 1 190 842 lekë.
Të ardhura nga puna e bashkëshortit si shef komisariati I pol rrugore, Tiranë, 1 576 554 lekë.
Depozitë bankare në emër të fëmijës, 55 539 65 lekë.
Kredi në shumën 1 800 000 lekë. Pa shlyer 904 640 73 lekë.
Overdraft 100 000 lekë. Pa shlyer 99 792 47 lekë.
Të ardhura kesh të bashëkshortit, 1 000 euro./CNA.al





Lajmet e fundit nga