"Ai u bë gazi i botës", Sienamati kundër Shkëlqim Muçës: U habita nga fjalët e tij për...

17 Nëntor 2020, 10:11, Sport CNA

Gëzim Sinemati ka treguar se është çuditur nga fjalët që ka dëgjuar në koment gjatë ndeshjes Shqipëri-Kazakistan nga Shkëlqim Muça. Duke diskutuar golin e pësuar nga Berisha, ai argumentoi në studion e ?Procesi Sportiv? se gardiani duhet të kërkonte llogari nga vetja se si kishte pësuar gol.

?Po dëgjohet që mendohet për fushë hibride. Janë bërë disa emisione gjatë bojkotit dhe jepnin fushën, edhe ato të Anglisë dhe thoshin krahasojini. Ata mbeten jeshile kurse këto këto kur luajnë këtu të marrin brenda. Më pëlqen që Reja dhe futbollistët, edhe pse me vonesë, u ankuan. Duan të shkojnë të luajnë në Elbasan.

Kur luajtëm me Lituaninë nuk ishte çështje fushe. Në një stadium që ka kushtuar miliona, si ka mundësi që gjëja më e rëndësishme nuk është bërë mirë dhe themi duhen edhe 1 milion euro. Nuk është problem se ankohen futbollistët, herë kemi luajtur e herë jo. Por pse kemi për të paguar 1 milion euro, është për t?u shqetësuar. Një herë diell artificial, një herë bar hibrid, kushedi se çfarë do të sjellin javën tjetër.

Ky është i ëmbël si rezultat e i thartë çfarë ndodhi brenda. Se sa fitojmë fryhemi e pastaj shfryhemi. Ne nuk duhet të nxitohemi se po bëmë krahasim me ndeshjen me Lituaninë, do gabojmë, ajo ndeshje është model i keq. Kjo kishte ca prova individuale, morëm përgjigje nga të cilët Reja del gabim. Ai ndërpreu eksperimentin, nuk e di kujt ia thotë. Me Kosovën bëri eksperiment që nuk shërbeu, ndaloi atë dhe thirri të vjetrit. Kjo është tallje me opinionin nëse thua rinovim.

Çikalleshi doli e tha nuk kam qenë i vrarë, Abrashi bëri ndeshje të jashtëzakosnhme. Aq sa luajti futboll edhe Memushaj e pastaj u fik, e bëri të vetën. Po Uzuni ishte në punën e vet, ai Kallaku m?u duk mirë vetëm që kishte pavarësi të tepruar, duhej të luante më shumë për ekipin.

Ndeshjen e ndau penalltia e Abrashit, se atëherë ishte loja që që fliste për ta. Ata ishin ekip modest, por në sulm shkonin më shpejt se ne, bëjmë si ekip i madh. Ne e keqpërdorim fjalën zbulim. Të mos merremi me emrat e ku kanë luajtur. Duhet të shohim a është loja e qëndrueshme, a kemi fytyre. Prova nuk është Kazakistani. E dini kujt i gëzohemi? Që donin të fitonin ndeshjen. Ne e kuptojmë nëse hyjnë për të fituar ndeshjen e nëse jo. Sa i përket golit të pësuar, më ka ardhur keq se kam dëgjuar nga një ish-futbollist i madh, Shkëlqim Muça, e tha është shumë i bukur e nuk ka faj portieri. U habita, ai është bërë gazi i botës me atë gol, e lëmë anën teknike që është për 10, ky i yni ta gjejë ku të rrijë portieri e të mos hajë gol nga mesi i fushës?, tha Sinemati.