E fundit!

19:02 Kronika

Autori i maskuar me maskë dhe paruke/ Zbulohen detaje nga atentati në Elbasan

Tre persona janë plagosur me armë zjarri një natë më parë ...

Manastirliu nxjerr shifrat/ Ka dyfishim të rasteve pozitive me Covid

15 Nëntor 2020, 11:30, Lifestyle CNA

Ministrja e Shëndetësisë, Ogerta Manastirliu gjatë një konference që po zhvillon me gazetarët u shpreh se Shqipëria ndodhet në një gjendje kritike për sa i përket situatës pandemike, ndërsa ka konfirmuar që ka një rritje të qëndrueshme të rasteve pozitive me Covid-19.

Ministrja Manastirliu është shprehur se ka një dyfishim të rasteve pozitive me Covid krahasuar me një muaj më parë.
Më tej Manastirliu i ka bërë dhe një herë thirrje qytetarëve që të zbatojnë masat, pasi sipas saj kanë në dorë ecurinë e pandemisë.

?Situata epidemike në vend është kritike, është delikate ndaj gjithë fokusi ynë shkon në funksion të kufizimit të përhapjes së infeksionit. Qytetarët kanë një rol thelbësor në luftën kundër pandemisë. Situata në ditët e fundit është një situatë e kontrolluar. Ka një rritje të qëndrueshme të rasteve, por një situate kritike. Kemi dyfishim të rasteve pozitive ditore nga muaji i parë. Nëse do bënim një vlerësim të kurbës vërehet një rritje e intensitetit të rasteve pozitive ditore e cila sjell dhe numrin e rasteve në spitale.
Çdo jetë është e vlefshme, ngushëllime familjarëve të viktimave të Covid-19 dhe ajo çfarë dua të them është se strukturat tona kanë bërë tmë të mirën e tyre. 612 qytetarë nuk ia kanë dalë dot. Janë 265 vatra aktive.

Shqipëria qendron në një incidencë dy javore, 901 raste për 100 mijë banorë, më ulët në krahasim me të gjitha vendet e rajonit. Për ne çdo jetë është e vlefshme, ngushëllime të sinqerta të gjithë familjarëve të viktimave të Covid.

Ne jemi më poshtë se të gjitha vendet e rajonit, sa i takon numrit të fataliteteve. Vihet re një rritje e vatrave të infektimit, ku janë mbi 200 të tilla, dhe 76 prej tyre janë vatra familjare. Këtu dua të vë theksin te roli që çdo qytetar ka në frenimin e përhapjes së virusit, në momentin që ke dijeni për kontakt me person të prekur, ke shenja, duhet menjëherë që të izolohesh, fronti i parë i përballjes me virusin është ai individual”, u shpreh Manastirliu./CNA.al