web counter
LEXO PA REKLAMA!

SHKARKO APP

App Store
Google Play

Meta ngre alarmin, ultimatum qeverisë/ Sistemi shëndetësor rrezikon të zhytet në kolaps të thellë

10 Nëntor 2020, 18:23, Politikë CNA

Presidenti Ilir Meta ka reaguar ashpër lidhur me situatën shëndetësore në vend, ku po shihet çdo ditë një numër në rritje i të infektuarve.

Meta ngre alarmin se sistemi shëndetësor rrezikon të zhytet në kolaps të thellë, ndërsa bën thirrje të forta për qeverinë.

Kreu i Shtetit kërkon të bëhen më shumë testime dhe gjurmime, si dhe të miratohet pa vonesë edhe një plan koordinimi i qartë dhe transparent me sistemin privat, për të bashkuar të gjitha energjitë dhe kapacitet e duhura.

?Në mungesë të një plani dhe strategjie konkrete për të përballuar përhapjen masive të pandemisë COVID-19, të reflektuar me shtim çdo ditë të numrit të qytetarëve të infektuar, fatkeqësisht edhe të humbjeve në jetë, sistemi shëndetësor rrezikon të zhytet në kolaps të thellë, me pasoja tepër të rënda për shëndetin e qytetarëve.

Në këto kushte, është tepër e domosdoshme të shtohet masivisht numri i testimeve, si një mjet efikas për gjurmimin dhe trajtimin në kohë të qytetarëve të prekur nga COVID-19.

Për këtë qëllim të miratohet pa vonesë edhe një plan koordinimi i qartë dhe transparent me sistemin privat, për të bashkuar të gjitha energjitë dhe kapacitet e duhura.

Thelbësore gjithashtu është vënia në efiçencë të plotë të mjekut të familjes, shtimi i stafit mjekësor dhe atij mbështetës, si dhe planifikimi i buxhetit të duhur në ndihmë të tyre.

I bëj thirrje Qeverisë të bëjë çdo përpjekje për rimbursimin e plotë të shpenzimeve, veçanërisht të pacientëve që mjekohen në banesë, të familjeve me ndihmë ekonomike dhe të pensionistëve?, shkruan presidenti në rrjetet sociale./ CNA.al





Lajmet e fundit nga