web counter
LEXO PA REKLAMA!

SHKARKO APP

App Store
Google Play

E fundit!

x

Rama dy orë takim me naftëtarët/ Do i ofrojmë mbështetje financiare, po shikojmë për investitor

9 Nëntor 2020, 19:41, Politikë CNA

Ka përfunduar pak çaste më parë takimi i kryeministrit Edi Rama me naftëtarët, të cilët prej disa javësh kanë qenë në grevë urie për shkak se nuk kanë marrë disa paga.

Pas takimit dy orësh në bashkinë e Fierit, Rama tha në një prononcim për mediat se do t?i ofrojë mbështetje financiare naftëtarëve, ndërsa theksoi se rruga e thjeshtë ligjore do të ishte që naftëtarët të drejtoheshin në zyrat e punës për të marrë asistencën.

?Patëm një bashkëbisedim të hapur. Më vjen mirë që i krijuan këto kushte, pasi në kushtet e grevës nuk mund të bisedohej. Janë gjithë ato familje që kalojnë një moment aspak të lehtë. Faktikisht kemi ndarë kohën, në sensin që çfarë janë çështje që lidhen me marrëdhënien private, janë çështje që nuk i takojnë qeverisë, por çështja e këtyre njerëzve sot është një çështje që na takon ne, që ta adresojmë së bashku me ta, me mirëkuptimin e tyre, pasi rruga e thjeshtë ligjore do të ishte që të drejtoheshin në zyrat e punës për të marrë asistencën.

Në këtë rast bëhet fjalë për një grup njerëzish që kanë një eksperiencë dhe një formim profesional në një fushë që ne nuk kemi absolutisht luksin ta zhbëjmë. Për këtë arsye ne i kemi propozuar që qeveria të marrë përsipër një mbështetje financiare në kohë për gjithë punëtorë, nuk mund të jetë paga e punës së tyre, sepse faktikisht rafineria është e fikur?, u shpreh ai.

Më tej, kreu i qeverisë theksoi se po shikon për një investitor të ri që mund të jetë i interesuar për punën në këtë sektor.

?Konsultat tona tregojnë se rafineria nuk është për skrap. Nuk e di se kur mund të nisë puna në rafineri, përderisa nuk kemi investitor që të mund të nisë punën në këtë sektor, që është në vështirësi të madhe botërisht. Ne kemi bërë përpjekje. Ne bëjmë ndërmjetësin, duke kontaktuar jashtë vendit që nga presidentë, siç ishte rasti i kreut të shtetit të Azerbajxhanit, që iu kërkojmë ndihmë kompanive të tyre, nëse janë të interesuara.

 Kjo kompani duhet të merret vesh edhe me bankën. Në kushte grevash nuk negocioj. Kjo është ofertë e rëndësishme, sepse ne paguajmë, duke qëndruar ata në shtëpi. Do të vëmë në dispozicion një ndihmë financiare, që të shlyejnë faturat mujore që kishin. Nuk është hall që ta zgjidhim ne. Ne po ofrojmë zgjidhje optimale. Ne jemi në të njëjtën anë, jemi këtu për të qarë hallet si një familje?, deklaroi Rama./ CNA.al

 





Lajmet e fundit nga