E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

Lefter Koka i kthehet dashurisë së vjetër/ Ikën nga LSI për PS, mbështetja në Durrës dhe lëvizjet e tij

6 Nëntor 2020, 22:27, Politikë CNA

Deputeti i LSI-së, Lefter Koka, i është rikthyer dashurisë së vjetër. Mësohet se Koka është bashkuar sërish me Partinë Socialiste që kryesohet nga Edi Rama.

Pas një kohe të gjatë largimi, ai ka vendosur që të rikthehet sërish në gjirin e PS-së. Lefter Koka ka qenë kryetar i bashkisë së Durrësit nga listat e PS-së gjatë periudhës 2003 ? 2007, por në zgjedhjet parlamentare të vitit 2009 vendosi që të shkojë te LSI-ja e Ilir Metës.

Në zgjedhjet e 2009-ës ai përfaqësoi votuesit e Qarkut Durrës, ku kishte një mbështetje shumë të madhe për shkak edhe të familjes së tij.

Gjatë kohës që ishte në LSI, Koka u emërua ministër Mjedisi duke përfituar nga koalicioni qeverisës PS-LSI, ndërsa një vit më parë doli kundër Monika Kryemadhit dhe Lulzim Bashës, duke mos pranuar të djegë mandatin e deputetit.

?Nuk kam motiv për të djegur mandatin?, u shpreh ai asokohe duke vazhduar të jetë deputet i LSI-së, por disa muaj më parë Koka tha se lidhjet e tij me Partinë Socialiste kanë qenë të hershme.

?Unë sot nuk përfaqësoj asnjë grupim politik. Sigurisht kam një histori me PS, kam përfaqësuar atë që më 2000 në Këshillin Bashkiak.

Lidhjet e mia familjare, shoqërore e sentimentale kanë qenë me këtë forcë politike. Nuk e kam kuptuar asnjëherë Sali Berishën që më etiketonte, vetëm të sulmonte dhe të fyente?, deklaroi ai në qershor, duke theksuar se do të jetë votues i PS-së.

Mirëpo ditën e sotme, Rama foli me superlativa për Lefter Kokën nga Durrësi dhe nuk i kurseu ironitë për Monika Kryemadhin dhe Ilir Metën.

?Me Lefterin kemi punuar bashkarisht për këto projekte kur ishim në aleancë. Opozita po degradon thellë e më thellë. Monika dhe Iliri e kanë kthyer Durrësin në një stacion hakmarrjeje imagjinare.

Ata që votojnë për PD-në do të kenë Monikën dhe Ilirin peshqesh. Atyre u duhet shpjeguar pse duhet ta refuzojnë këtë ofertë katastrofike për vetë PD-në?, nënvizoi Rama./ CNA.al