web counter
LEXO PA REKLAMA!

SHKARKO APP

App Store
Google Play

“Të ribursohet paketa e trajtimit të të infektuarve”/ Basha: Qytetarët marrin kredi për të paguar ilaçet

3 Nëntor 2020, 16:20, Politikë CNA

Kryetari i opozitës Lulzim Basha, ka kërkuar sërish rritje të testimeve gjatë një takimi me disa mjekë familjesh.

Basha krahasoi situatën shëndetësore në Shqipëri me atë në Sllovaki dhe deklaroi se duhet rritur urgjentisht numri i testimeve.

?Kemi ngulmuar që në fillim për rëndësinë dhe vlerën e testimeve. Dje dëgjova se Sllovakia kishte bërë testime në gjysmën e popullsisë, sot kishte kaluar 2/3 e popullsisë.

Kanë bërë testime dhe te ato të moshave 10 vjeç, ndërsa kryeministri jonë thotë që testimet nuk kane efekt në valën e dytë. Në ato pak minuta që i kushton pandemisë, kryeministri tha se testimi nuk e lehtëson menaxhimin e valës së dytë?, u shpreh ai, ndërsa nuk i kurseu akuzat për kurimin e pacientëve me Covid-19.

Kreu i PD-së pretendon se njerëzit po marrin kredi në bankë për të përballuar paketën e trajtimit kundër Covid.

?Qytetarët marrin kredi në bankë për të paguar ilaçet e paketës anti-COVID. Paketa e trajtimit duhet të jetë 100% e rimbursueshme.

 7 muaj pandemi, mjekët kanë vetëm një javë që kanë marrë protokollin anti-COVID. Mjekët e familjes dhe infermierët duhet të marrin bonusin e premtuar. Mjekët e familjes duhet të marrin bonusin 1000 euro, ndërsa infermierët bonusin 500 euro. Qeveria të lërë sulmet politike dhe të vihet në krye të detyrës?, theksoi ai./ CNA.al





Lajmet e fundit nga