web counter
LEXO PA REKLAMA!

SHKARKO APP

App Store
Google Play

Covid jashtë kontrollit/ Mbi 2000 të infektuar brenda javës në vend, ja sa persona kanë humbur jetën

1 Nëntor 2020, 16:00, Lifestyle CNA

Nëntori ka nisur me shifra rekord të infektuarish nga Covid-19 në vendin tonë, rritje po ashtu ka patur dhe në numrin e viktimave.

Sipas të dhënave nga Ministria e Shqndetësisë, sot në vendin tonë janë regjistruar 327 raste të reja dhe 9 humbje jete, duke e çuar në 41 numrin e viktimave përgjatë javës.

Sa i përket numrit të të infektuarve nga e hëna në të dielë, numri i të infektuarve në vendin tonë ka kapërcyer shifrat 2000, në total 2027 të infektuar.

Përkatësisht, të hënën në vendin tonë janë regjistruar 288 raste të reja dhe 3 humbje jete.

Të martën ka patur 284 raste të reja dhe 7 humbje jete. Ky numër ka vijuar të rriten dhe në mesjavë, ku të mërkurën ka patur 311 raste të reja dhe 6 humbje jete.

Luhatje duket se ka patur ditën e enjte, ku janë regjistruar 275 raste të reja dhe 6 humbje jete.

Ndërkohë që dita e premte ka vijuar me një tjetër rekord të infektuarish, përkatësisht, 319 raste të reja dhe 3 humbje jete.

241 raste të reja dhe 7 humbje jete janë shënuar të shtunën, për ta mbyllur javën sot me 327 raste të reja dhe 9 humbje jete.

Rritja e numrit të të infektuarve në vend ka bërë që ministria të propozojë masa të reja, siç është mbyllja pjesërisht e lokaleve, dhe auditoreve të universiteteve të paktën për një muaj.

Ndërkohë që vende si Gjermani, Franca dhe Britania e Madhe, tashmë kanë rikthyer karantinën pjesërisht./CNA.al





Lajmet e fundit nga