web counter
LEXO PA REKLAMA!

SHKARKO APP

App Store
Google Play

Manastirliu tjetër thirrje qytetarëve/ Të bëjmë të gjithë nga pak

31 Tetor 2020, 12:19, Lifestyle CNA

Ministrja e Shëndetësisë dhe Mbrojtjes Sociale, Ogerta Manastirliu, ka publikur në rrjetet sociale pamjet e spitalit Covid 3, i cili u hap pasditen e djeshme për trajtimin e pacientëve të infektuar nga Covid19, pas fluksit të shtuar në dy spitalet covid.

Manastirliu thotë se Covid3 ka të gjitha pajisjet e nevojshme dhe standartet për trajtimin e të sëmurëve me Covid-19.

Ministrja e Shëndetësisë i është drejtuar me një apel të gjithë qytetarëve që të respektojnë masat.

?Siç e kishim thënë, pas plotësimit të vendeve në spitalet Covid-1 dhe Covid-2, kemi hapur Spitalin Covid-3, në Qendrën Spitalore Universitare ?Nënë Tereza?.

 Covid-3 ka të gjitha pajisjet e nevojshme dhe standartet për trajtimin e të sëmurëve me Covid-19, ndërkohë që drejtohet nga një ekip i kualifikuar dhe me shumë eksperiencë mjekësh, të spitalit infektiv dhe të strukturave tona të shërbimit shëndetësor.

 Që nga fillimi i pandemisë, nuk e kemi ndërprerë për asnjë moment trainimin e personelit infermieror, që do të shërbejë në spitalet tona Covid. Të sëmurëve në Covid-3 do u shërbejë gjithashtu një ekip infermierësh të trainuar dhe me eksperiencën e përftuar duke u shërbyer pacientëve gjatë periudhës së pandemisë.

Siguroj qytetarët shqiptarë se nuk e kemi ndalur dhe nuk do t?a ndalim asnjë çast punën për t?i ofruar çdokujt që ka nevojë, shërbimin më të mirë të mundshëm mjekësor. Dhe në fund, si gjithmonë, kam një lutje: Të bëjmë të gjithë nga pak për të shmangur përhapjen e infeksionit, duke respektuar rregullat: Maska, distanca, higjiena?, deklaroi ministrja./ CNA.al





Lajmet e fundit nga