web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Basha i kërkon llogari SPAK: Ku jeni me hetimet

31 Tetor 2020, 12:02, Aktualitet CNA

Kreu demokrat Lulzim Basha i ka bërë sërish thirrje SPAK që të nisë hetimet për aferën e inceneratorëve.

Në një komunikim me gazetarët, Basha tha se asnjë nga të akuzuarit nuk është thirrur për tu pyetur mbi këtë aferë, duke u kërkuar prokurorëve që të vënë para përgjegjësisë autorëte e 75 milionë eurove për inceneratorët.

?SPAK prej 3 muajsh ka në tavolinë kallëzimet penale, hesht duke u bërë alibi për vijimin e vjedhjes. Nëse SPAK-u do të kishte vepruar, miliona euro që ju paguan mafies së plehrave, do të shkonin te shëndetësia Koha kur pyes SPAK se çfarë po bën me autorët e vjedhjes 75 milionë euro po mbaron. Pyes SPAK, pse nuk keni marrë asnjë nga personat e përfshirë në aferën e plehrave? Pyetje SPAK-ut: Ku jeni me hetimet? Zotërinj të SPAK, çfarë ju pengon të veproni tani që faktet i dinë të gjithë qytetarët? Arsyeja përse ekzistoni (SPAK) është të hetoni korrupsionin e zyrtarëve të lartë. Nëse keni nevojë për ndihmë ndaj mafies, ju përsëris se opozita dhe qytetarët do të jenë krah jush?, tha Basha.

Më tej kreu demokrat i ka drejtuar edhe disa pyetje SPAK, ku theksoi se sistemi i shëndetësisë është në kolaps për shkak të aferave të qeverisë.

?Nuk ka shqiptar që të mos e dijë se kolapsi i shëndetësisë është pasojë e vjedhjes së parave të të shqiptarëve. Kemi ardhur në këtë pikë në kohë pandemie, pasi paratë e shqiptarëve po vidhen për t’u çuar në parajsa fiskale.

Përse nuk janë thirrur Edi Rama, Erion Veliaj, Arben Ahmetaj? Dua t’i garantoj shqiptarët se sot do të jem në krah të çdo prokurori të SPAK që do të bëjë detyrën. Nëse prokurorët e Spak nuk do të marrin masa, do të mbajnë dhe ata përgjegjësi. Ndryshimi që vjen nga largimi i Ramës do të çlirojë edhe SPAK nga presioni i mafias në pushtet?, tha Basha. CNA.al/

 





Lajmet e fundit nga