web counter
LEXO PA REKLAMA!

SHKARKO APP

App Store
Google Play

Pasuri nga pastrimi i parave/ Vlonjatit i sekuestrohen dyqane, apartamente dhe 300 mije euro

29 Tetor 2020, 11:21, Kronika CNA

Gjykata e Vlorës ka vendosur sot të sekuestrojë pasurinë e një shtetasi me iniciale J. Xh. në Vlorë, pas dyshimeve se mund të jetë vënë me burime të paligjshme.

Hetimet kanë nisur që në 2017, ndërsa sot shtetasit të dënuar edhe në Greqi, iu sekuestruan 2 dyqane, 3 apartamente, një makinë dhe 300 mijë euro.

Specialistët për Hetimin e Krimit Ekonomik e Financiar në Drejtorinë Vendore të Policisë Vlorë, në bashkëpunim me Prokurorinë e Rrethit Gjyqësor Vlorë, në vijim të punës për gjurmimin, evidentimin dhe sekuestrimin e aseteve të përfituara nga veprimtaria kriminale, në vitin 2017 kanë referuar në Prokurorinë e Rrethit Gjyqësor Vlorë, materialet në ngarkim të shtetasit J. Xh., për veprën penale ?Pastrimi i produkteve të veprës penale ose veprimtarisë kriminale?.

Në vijim të veprimeve, pas hetimeve të kryera nga specialistët për Hetimin e Krimit Ekonomik e Finanaciar në DVP Vlorë, në bashkëpunim me Prokurorinë e Rrethit Gjyqësor Vlorë, u bë ekzekutimi i vendimit penal të Gjykatës së Shkallës së Parë Vlorë, për vendosjen e sekuestros preventive mbi pasuritë si më poshtë:
* 2 Njësi shërbimi me sipërfaqe 56 m2, dhe 18 m2, në Vlorë.
* 3 apartament banimi, 2 në Vlorë dhe 1 në Tiranë.
* 1 automjet i markës ?Renault?.
Shuma e sekuestrimit kap vlerën e 300.000 euro sipas çmimit të tregut.

Ky shtetas ka qenë i dënuar në Greqi, për veprën penale ?Trafikim narkotikësh? dhe dyshohet se këto pasuri i ka ngritur mbi bazën e kësaj veprimtarive të paligjshme.
Materialet shtesë i kaluan Prokurorisë pranë Gjykatës së Shkallës së Parë Vlorë./CNA.al





Lajmet e fundit nga