E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

Plas sherri/ Kreu i PD-së i kundërpërgjigjet ish-deputeti: Erdhe i frustruar, ike si hotelexhiu i Ramës

23 Tetor 2020, 13:00, Politikë CNA

Procesi i përzgjedhjes së kandidatëve për deputetë të Partisë Demokratike, duket se ka sjellë edhe përplasje.

Ish-deputeti Astrit Veliaj nuk e ka pritur mirë përjashtimin nga lista, dhe nuk i ka kursyer kritikat, madje duke thënë se se në zonën e tij ka kandidatë të përfshirë në krim dhe se ai u hoq padrejtësisht nga listat gjatë votimit të anëtarësisë.

Kritikave të Veliajt, i është kundërpërgjigjur kreu i degës së PD në Berat, Gazment Azizi.

Ky i fundit, në një postim në rrjetet sociale akuzon Veliajn se asnjëhere nuk ka qenë zëri i qytetarëve berates në parlament, asnjëhere nuk ka mbrojtur interesat dhe të drejtat e tyre të shkelura me të dyja këmbët nga kjo qeveri kriminale.

?Z.Veliaj në fakt do të doja tju therrisja zoti deputet ,por ju asnjëhere nuk e keni merituar sepse asnjëhere nuk keni qenë përfaqësues i demokratëve dhe qytetarëve beratas.

Asnjëhere nuk keni qenë zëri ynë në parlament, asnjëhere nuk keni mbrojtur interesat dhe të drejtat e qytetareve beratas të shkelura me të dyja këmbët nga kjo qeveri kriminale.

Ju, keni parë dhe keni mbrojtur vetëm interesat tuaja personale, duke flirtuar herë me kryeministrin dhe herë me drejtuesit vendore te bashkisë Berat.

Po ju drejtohem ju, jo si mendimtari, por si letërporositësi i shkrimit ne fjale, i cili pavarësisht ngjyrave ngelet i nje niveli shumë të ulët jo vetëm politik ,por edhe moral.

360 vota kundër ,shtuar këto edhe me 45 vota te tjera kundër teje,të marra nga fletët e votimit të pavlefshme përbëjnë gati 50% të antarësis të cilët mendojnë se ti nuk mund dhe nuk duhet t’i përfaqësosh në parlamentin shqiptar.

Kjo është ajo çka ti duhet të analizosh.

Reflektimi duke i hapur rrugën për në parlament djemve dhe vajzave beratase,pedagog universitetesh,inxhinjer, mjek,studiues dhe specialist të fushave të ndryshme është një nder që ti duhet ti bësh qytetarëve beratas.

Sot është koha që në parlamentin shqiptar të shkojnë ata që japin dije dhe jo ata që shesin diploma.

Te shkojne ata që janë të afte të ndërtojnë dhe jo ata që porosisin ndertime.

Të shkojnë ata që janë pranë njerëzve në nevojë dhe jo ata që krekosen si kaposhi majë plehut.

As ti, dhe askush tjetër nuk mund të përbaltë dot një proces kaq demokratik dhe transparent të zhvilluar ndonjëherë nga partitë politike në këto 30 vjet.?-shkruan Azizi.

Më tej, ai thekson se ardhja e Partisë Demokratike në pushtet është e vetmja shpresë për Shqipërine dhe shqiptarët, ndërsa nuk nguron të akuzojë Veliajn për ndërtimin e nje hoteli me 5 yje të ideuar dhe legalizuar nga Rama

?Unë e kam për nder që kam qenë drejtues në institucionet rajonale, detyrë që e kam kryer me ndershmëri dhe pergjegjësi maksimale.

Unë besoj se PD nuk do të vije në pushtet për të futur në punë disa drejtues apo disa punonjes.

Ardhja e Partisë Demokratike në pushtet është e vetmja shpresë për Shqipërine dhe shqiptarët.

Ajo do të permiresojë ndjeshem gjëndjen ekonomike të të gjithë shqipetarëve, pa dallim bindje. Do te jete ajo që do t’i japë frymëmarrje biznesit nëpermjet uljes së taksave dhe tatimeve dhe do të krijojë një klimë sa më të përshtatshme për investitorët vendas dhe të huaj.

Vetëm kështu do të mund të hapen vende të reja pune , do të rriten rrogat e pensionet , do të ofrohet arsim dhe shëndetësi më e mirë.

Nëpërmjet vendosjes së shtetit ligjor , qytetarët shqiptarë do të kenë më shumë siguri për jetën dhe për pronën , por mbi të gjitha do tu kthehet shpresa e humbur për një jetë më të mirë.

Ka shumë arsye pse PD duhet të vijë ne pushtet , por ti miku im këto nuk i kupton dot dhe për këtë unë nuk të vë faj.

Nuk do të merrem gjatë me ty , jo se te kam frike, se frike kam vetem nga i madhi ZOT.

Nuk kam patur kurrë interes tek ty, as në vitin 2014 dhe as në vitin 2017, pavarësisht aferave të tua të pista financiare ,të cilat i kam shtyrë tutje me këmbë.

Ti nuk meriton as kohën dhe as vëmendjen time, pavarësisht gadishmërisë për një debat publik jo vetëm në mediat lokale por edhe më gjerë.

Ti, erdhe i frustruar me madhështinë e një lideri për zhvilimin rajonal dhe ike si hotelxhiu i nje hoteli me 5 yje të ideuar dhe legalizuar nga Rama!?-përfundon postimin kreu i degës së PD, në Berat.