web counter
LEXO PA REKLAMA!

SHKARKO APP

App Store
Google Play

I dënuar për trafik narkotikësh/ Arrestohet “në arrati” 31-vjeçari në Vlorë

22 Tetor 2020, 11:16, Aktualitet CNA

Një 31-vjeçar është arrestuar nga Policia e Vlorës, pasi rezultonte i shpallur në kërkim. Sipas informacioneve zyrtare, në pranga është vënë shtetasi N.A., 31 vjeç, i dënuar për trafik të lëndëve narkotike.

Po ashtu, është proceduar penalisht edhe një 39-vjeçar, i cili transportonte me makinën e tij 31-vjeçarin.

Njoftimi i Policisë

Vijon puna intensive për kapjen e personave në kërkim dhe vënien e tyre para përgjegjësisë ligjore.

Kapet dhe ndalohet një shtetas në kërkim kombëtar, i dënuar për trafik narkotikësh.

Procedohet penalisht një 39-vjeçar që po transportonte personin në kërkim.

Shërbimet e Seksionit për Hetimin e Krimeve Kundër Personit, në bashkëpunim me Forcat Operacionale në Drejtorinë Vendore të Policisë Vlorë, në vijim të punës për kapjen e personave në kërkim dhe vënien e tyre para përgjegjësisë ligjore, kanë kapur dhe ndaluar shtetasin në kërkim N. A., 31 vjeç, të cilin Gjykata e Apelit Vlorë e ka dënuar me 11 muaj e 21 ditë burg, për veprën penale ?Trafikim i narkotikëve?, kryer në bashkëpunim.

Në vijim të veprimeve u procedua në gjendje të lirë shtetasi G. M., 39 vjeç, banues në fshatin Lepenic, Vlorë, për veprën penale ?Përkrahja e autori të krimit?, pasi u kap në aksin rrugor Kaninë-Peshkëpi duke transportuar me automjet shtetasin N. A.

Materialet procedurale i kaluan Prokurorisë së Vlorës, për veprime të mëtejshme hetimore. /CNA.al





Lajmet e fundit nga