web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet Rama-Meta/ Mustafaj: Presidenti ka të drejtë në shumicën e gjërave, mes tij dhe Bashës s’ka rivalitet

15 Tetor 2020, 17:05, Politikë CNA

Ish-ministri i Jashtëm Besnik Mustafaj, ka folur për përplasjet mes presidentit Ilir Meta dhe kryeministrit Edi Rama.

Mustafaj i dha të drejtë Metës, ndërsa pretendon se Presidenca është i vetmi institucion që nuk është kapur nga mazhoranca.

Sipas tij, Kreu i Shtetit ka lartësinë e duhur për të parë defektet që ka Reforma në Drejtësi.

?Presidenti Meta në shumicën e gjërave ka të drejtë dhe ka mbetur i vetmi institucion që nuk është marrë nga maxhoranca. Meta, me ato pak kompetenca që ka, ai po përpiqet të mbrojë Kushtetutën. Shpesh herë presidenti flet me emocion të tepruar, por në thelb tregon një problem të madh në sistemin tonë.

Kryeministri tregohet i pasjellshëm me kryetarin e shtetit, shmanget nga argumentet, duke përdorur sharje. Sidoqoftë kjo gjuhë nuk është gjë e mirë, nga të dyja palët. Kryeministri ynë është politikan i konfliktit. Rama ka prirjen që të mos zgjidhë gjërat në mënyrë institucionale. Mes Metës dhe Bashës nuk ka rivalitet. Presidenti ka lartësinë e duhur për të parë defektet që ka reforma në drejtësi. Kjo sepse ai ka informacion më të zgjeruar për të bërë një analizë?, u shpreh Mustafaj në News 24./ CNA.al





Lajmet e fundit nga