E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Vrasja e dyfishtë në Malësi/ Drejtori i Policisë Kriminale zbardh ngjarjen, pse trupat u gjetën pas pesë ditësh

12 Tetor 2020, 21:26, Kronika CNA

Drejtori i Policisë Kriminale në Policinë e Shtetit, Tonin Vocaj, ka zbuluar dinamikën e ngjarjes së rëndë në Malësi të Madhe ku u ekzekutuan Vilson Çutaj dhe Klement Pepaj.

Vocaj konfirmoi se ngjarja ka ndodhur për kanabis dhe deklaroi se Danjel Pepaj i kishte kërkuar dy viktimave të shkonin të merrnin sasinë për të cilën ata e akuzonin se i kishte vjeshur autori.

?Është e vërtetë që ngjarja ka ndodhur për kanabis. Viktimat kanë pretenduar se ua ka vjedhur autori i vrasjes. A është i vërtetë fakti që viktimat e kanë shtrënguar autorin për ta vënë para përgjegjësisë morale për sasinë e kanabisit të vjedhur? Meqenëse autori i veprës penale siç ka dalë nga hetimet në bashkëpunim me babain e tij kishte kultivuar një miniparcelë u ka thënë viktimave që unë do ua kthej këtë sasi që ju pretendoni se ua kam marrë unë, megjithëse ai faktikisht nga deklarimet që bën vëllai i viktimës nuk ka pranuar që ua ka marrë.

Në këto kushte në shoqërinë e vëllait të viktimës kanë shkuar në fshatin Vrith, i cili ka njoftuar edhe policinë. Është i vërtetë fakti që njoftimi i parë është bërë në orën 1:00 të natës. Ai ka çuar policinë në vendin ku i ka zbritur nga makina ata dhe autori bashkë me dy viktimat janë futur në krahun e majtë të rrugës për të shkuar tek miniparcela?, u shpreh ai.

Teksa u pyet në emisionin “Opinion” se përse trupat u gjetën pas pesë ditësh, drejtori i Policisë Kriminale tha se kjo erdhi si shkak i terrenit të vështirë në të cilin kishte ndodhur ngjarja dhe kohës jo të favorshme.

?Çështja është këtu. Nuk e di se si e dini si është terreni, por është jashtëzakonisht i vështirë. Kemi përdorur dron gjithë ditën. Duhet të dini që ditët kanë qenë veçanërisht të vështira me shi dhe me mjegull. Në ditën e 4 është rimarrë në pyetje babai i autorit. Mund të ketë pasur dyshime, por ai nuk e ka ditur që djali i tij është përfshirë në këtë vrasje.

Ai nuk kishte komunikim me të birin të paktën me faktet që ne kemi dhe as e ka nxitur djalin e vet. Bashkë me grupin e policisë kanë shkuar në vend dhe kanë gjetur viktimat. Prandaj është arrestuar sepse është kontributor, njësoj si djali në kultivimin e kësaj miniparcele të kanabisit. Ai është arrestuar për kultivim të lëndëve narkotike. Nuk është arrestuar si bashkëautor për vrasje?, theksoi Vocaj. / CNA.al