web counter
LEXO PA REKLAMA!

SHKARKO APP

E fundit!

x

Dërgoi policinë te parcelat me kanabis/ Mbërrin në Gjykatën e Shkodrës babai i Danjel Pepajt

11 Tetor 2020, 07:25, Kronika CNA

Rrok Pepaj, babai i Danjel Pepajt ka mbërritur mëngjesin e sotëm në Gjykatën e Shkodrës.

Mësohet se Gjykata e Shkodrës do të japë sot masën e sigurisë për Rrok Pepajn, pas ngjarjes së rëndë në Malësi të Madhe, ku kanë mbetur të vrarë Klement Pepaj dhe Vilson Cutaj.

Raportohet se babai i Danjel Pepajt, i cili akuzohet si autor i ngjarjes, ka mbërritur në ambjentet e gjykatës, i shoqëruar nga forca të shumta policie.

Rrok Pepaj u arrestua tre ditë më parë dhe u mor në pyetje nga policia e Shkodrës në cilësinë e dëshmitarit të ngjarjes së rëndë ku u vranë Klement Pepaj dhe Vilson Çutaj.

Trupat e pajetë të Klement Pepaj dhe Vilson Cutaj u gjetën në vrarë me armë zjarri pranë malit të Rrencit në Malësinë e Madhe, në pyllin e Vrithit aty dhe ku u dëgjuan të shtënat ditën që u zhdukën tre të rinjtë.

Ata u gjetën vetëm 200 metra larg parcelës së drogës që mendohet të jetë shkaku i ngjarjes, ndërsa te këta parcela policinë e dërgoi babai i autorit.

Ndërkohë, policia nëpërmjet një njoftimi zyrtar, raportoi se parcelat ishin në pronësi të Rrok Pepajt dhe djalit të tij Danjel Pepaj./ CNA.al





Lajmet e fundit nga