E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Prej ditësh në grevë urie/ “Ngujohen” naftëtarët, thirrje të fortë Ramës

8 Tetor 2020, 17:35, Sociale CNA

Në ditën e 11-të të grevës së urisë, naftëtarët kanë mbyllur me kyç derën e jashtme të ambienteve ku po mbahet greva e urisë, duke përshkallëzuar protestën. Indiferenca dhe mungesa e reagimeve nga qeveria, ka bërë që naftëtarët e ngujuar të ndërmarrin një tjetër hap, për t?i dhënë një sinjal të fortë autoriteteve.

Ata kanë deklaruar se do të refuzojnë edhe ujin dhe ndihmën mjekësore, si dhe çdo kontakt me jashtë. Sipas kryetarit të sindikatës të naftëtarëve, Sokol Dautaj, ata janë të gatshëm të shkojnë drejt vetëflijimit, nëse nuk realizohen kërkesat e tyre.

Gazetari i Euronews Albania, Renaldo Salianji ka ndjekur nga afër shqetësimin e naftëtarëve, të cilët kërkojnë zgjidhje të shpejtë të problemit nga kryeministri Edi Rama.

?Jemi një grup naftëtarësh që mbështesim grevën tonë të urisë. Kërkesat tona janë dy, lekët e prapambetura dhe rifillimi i punës. Janë rreth 26 paga, 13 janë me proces gjyqësor të apelueshëm. Kërkojmë ndërhyrjen e kryeministrit, sepse ai është personi që ka tagrin e dehur për të vënë rafinerinë në punë dhe zgjidhjen e pagave të prapambetura. Kemi folur ndërmjet telefonit. Gjendja e tyre është e përkeqësuar. I bëjmë thirrje kryeministrit që t?i japë zgjidhje sa më të shpejtë. Boll më me oligarkët që ka sjellë, oligarkë të falimentuar ende pa nisur?, tha njëri prej naftëtarëve, i cili ndodhet jashtë ambientit ku janë ngujuar kolegët e tij.

Një tjetër naftëtar i tha mikrofonit të Euronews Albania se shtresa e naftëtarëve është shtresa më e përbuzur e shoqërisë shqiptare.

?Ka përbuzje ndaj kësaj shtrese. Do të ecim hap pas hapi, në bazë të vendimeve. Ne jemi pala viktimë, jemi të gjithë viktima këtu?, shtoi ai.