web counter
LEXO PA REKLAMA!

SHKARKO APP

App Store
Google Play

Manastirliu sërish premtim mjekëve/ Bonusi do vijojë, rritja e pagave mbështetje konkrete

6 Tetor 2020, 14:51, Lifestyle CNA

Ministrja e Shëndetësisë foli sot për planin e vjeshtë-dimrit për përballimin e situatës shëndetësore nga pandemia e koronavirusit.

Ogerta Manastirliu tha gjatë seancës online të Komisionit të Punës se janë marrë masat për vaksinimin e grupeve të riskut.

?Është punuar hershëm për të siguruar vaksinimin falas për grupet e riskuara. Prej datës 30 Shtator kemi filluar vaksninim e grupeve të riskuara, me personelin shëndetësor dhe më pas sipas kalendrit të ISHP, do të vijojë vaksnimi me grupet e tjera. Janë 368 mijë vaksina të cilat janë blerë për t?u ofruar grupeve të riskuara, si të sëmurët kronikë, personel shëndetësor, mësues, kujdestarë, eduktarë, fëmijë 2-5 vjeç, etj?, bëri me dije ministrja.

Manastirliu nuk la pa përmendur edhe mbështetjen që qeveria shqiptare po i jep personelit shëndetësor përmes bonusit dhe së fundmi rritjes së pagave me 40 % që nga 1 Janari i vitit 2020.

?Bonusi për mjekët, infermierët, epidemiologët, laborantët, personelin ndihmës në strukturat tona të shëndetësisë qoftë në spitalet Covid, apo struktura të tjera, sipas angazhimit, do vijojë pa ndërprerje: 1000 euro për mjekët dhe infermierët dhe 500 euro për stafin mbështetës. Kryeministri sot ka deklaruar rritjen e pagave nga viti i ardhshëm 40% për mjekët dhe infermierët në sistemin shëndetësor. Kjo është një mbështetje konkrete dhe premtim i mbajtur nga qeveria për më shumë mbështetje për profesionistët e shëndetit, të cilët meritojnë respekt të jashtëzakonshëm për gjithë punë e tyre?, tha Manastirliu./ CNA.al





Lajmet e fundit nga