web counter
LEXO PA REKLAMA!

SHKARKO APP

App Store
Google Play

E fundit!

x

Basha nxjerr anti-Berishën, si kandidat për deputet

28 Shtator 2020, 10:50, Politikë CNA

Prej disa kohësh, Partia Demokratike ka nisur një proces të përzgjedhjes së kandidatëve për deputetë, për zgjedhjet e 25 prillit 2021.

Por, edhe pse në media është trumbetuar fort si një proces demokratik, ku kandidatët zgjidhen nga baza, në fakt e vërteta qëndron ndryshe. Baza ka vetëm 20% të listës, dhe ashtu si në 2017, lista përfundimtare do jetë e vendosur sërish nga Lulzim Basha.

Por, përtej këtij procesi skandaloz, një detaj tjetër që bie në sy është ajo që CNA.al e ka deklaruar prej kohësh, që Lulzim Basha kërkon të ?ç?rrënjosë? PD-në, të cilën në fakt e ka shndërruar në Republikën e tij të re, të mbushur me sharlatanë dhe servila.

Por, nëse shikon me vëmendje kandidatët e Skraparit, një emër që bie në sy është edhe Rigert Kapllani.

Ky është një nga aktivistët më të fortë të Aleancës Kuq e Zi, kundër PD-së dhe qeverisë së saj, përpara vitit 2013.

Një anti-Berishist i ?tërbuar?, i cili u përjashtua nga Aleanca Kuq e Zi për një aferë, e cila u denoncua në polici, dhe më pas kallëzimi u tërhoq.

Ky është Rigert Kapllani, kandidati i Lulzim Bashës në Skrapar.

CNA.al ka siguruar disa foto, ku Kapllani është duke bërë fushatë me Aleancën e Kreshnik Spahiut.

Rigert Kapllani që dikur bënte fushatë me Aleancën Kuq e Zi kundër liderit historik të PD-së Sali Berishës, me ardhjen e Lulit është bërë anëtar i kësaj partie.

Mesa duket, Republika e Re mund të ketë edhe ?Rigert Kapllanajt?, të cilët nga ushtarët e Aleancës Kuq e Zi bëhen kandidatë për deputetë të Lulzim Bashës.

Ndonëse mbështetësi i zjarrtë i Aleancës në vitin 2013 kërkonte arrestimin e Sali Berishës, Bashës nuk i ka bërë aspak përshtypje kjo, por e ka futur në gjirin e Republikës së tij të ri.

Kaq mjafton për të dëshmuar se listat e Bashës do të jenë njësoj me ato të vitit 2017, por ndryshe nga hera e kaluar, në këto zgjedhje po tenton që përgjegjësitë t?i hedhë në kurrizin e Komisionit të Vlerësimit./ CNA.al

Ja kush e sulmoi Ilir Beqajn





Lajmet e fundit nga