web counter
LEXO PA REKLAMA!

SHKARKO APP

App Store
Google Play

E fundit!

x

Votimi i kandidatëve për deputet të PD/ Çfarë pritet të ndodhë në fund të procesit

27 Shtator 2020, 12:24, Politikë CNA

Partia Demokratike prej disa ditësh ka filluar procesin e votimit në qarqe për kandidatët që do të vazhdojnë garën për deputet dhe kryetar bashkie dhe kush skualifikohet.

Një detaj që bie në sy është fakti se nga gara janë përjashtuar disa ish-kryebashkiakë. Procesi i votimit i ka hequr të drejtën e garës ish-kryetarit të Bashkisë së Kukësit, Bashkim Shehu, si dhe Besnik Dushaj ish-kreu i Bashkisë së Tropojës dhe Feride Rrahmani, ish-zëvendëskryetare e Bashkisë në të njëjtën kohë.

Ndërkohë, në degën e Hasit është skualifikuar nga gara Zenel Kastrati. Kështu nga 17 emra të cilët kaluan fazën e dytë nga komisioni i vlerësimit të kandidatëve në PD, vetëm 13 prej tyre do të rikthehen në selinë blu, ndërsa 4 u skualifikuan.

Por çfarë pritet të ndodhë në vijim?

Kur të mbarojë ky procesi i përjashtimit me votë kundër në 12 qarqe anëtarësia do të shpallë non grata 40-50 kandidatura. Dhe me kaq e ka mbaruar detyrën e vet “të rendesishme” për të zgjedhur deputetët. Domethënë nga rreth katër mijë kandidatë, anëtarësia është pyetur për 50 prej tyre. Për pjesën tjetër vendimin e ka marrë komisioni Luli-Ruli. Dhe le të thone pastaj që nuk ka demokraci në PD.

Kujtojmë se vendimi i miratuar në Qershor përcakton që kandidaturat e konfirmuara nga anëtarësia duhet të përbëjnë 80% të listës së propozimeve, ndërsa jo më shumë se 20% e listës do të përzgjidhen nga Kryesia e Partisë Demokratike./CNA.al





Lajmet e fundit nga