web counter
LEXO PA REKLAMA!

SHKARKO APP

App Store
Google Play

E fundit!

x

Meta shkon në Dibër/ Braktisja e këtyre krahinave mund të jetë fatale

20 Shtator 2020, 14:41, Politikë CNA

Presidenti Ilir Meta ka zhvilluar një vizitë në Dibër, e cila lidhet me vlerësimin e figurave të shquara dibrane të këngës, artit, kulturës, folklorit dhe muzikës.

Meta deklaron se i gjithë kombi përulet me nderim e mirënjohje ndaj kontributit të dibranëve për Lirinë dhe Pavarësinë e Atdheut, por edhe për ndikimin e madh që kanë pasur në botën dhe kulturën shqiptare.

Kreu i Shtetit është ndalur te largimi i të rinjve nga krahina e Dibrës, ndërsa thekson se ky shpopullim është i dhembshëm.

?Për shqiptarët Dibra është shumë e shtrenjtë, siç është edhe Atdheu për dibranët. Kjo trevë, me nëntë malet e saj të lartë ka qenë në shekuj kështjella natyrale e lirisë së shqiptarëve, një nga epiqendrat më të spikatura dhe më të flakta të shqiptarizmit dhe betejave për liri!

Dibra me këtë histori dinjitoze e panoramë mahnitëse dhe me këtë popull kaq vital e me virtyte nuk duhet të braktiset më! Ky shpopullim është i dhembshëm, pasi braktisja e këtyre krahinave tradicionale që kanë qenë burim i identitetit tonë kombëtar e kulturor, mund të jetë fatal për të gjithë kombin.

Është momenti që të gjithë të kthejmë më shumë vëmendjen ndaj ruajtjes, jo vetëm të vlerave më të mira të kulturës dhe identitetit tonë kombëtar, por mbi të gjitha për të rikthyer njerëzit dhe rininë në këto troje, që meritojnë të gjallërohen sërish. Koha është tani!?, është shprehur Meta./ CNA.al





Lajmet e fundit nga