web counter
LEXO PA REKLAMA!

SHKARKO APP

App Store
Google Play

Parlamenti Evropian miraton rezolutën kundër Turqisë/ “Ankaraja të mos shkelë hapësirën greke”

19 Shtator 2020, 06:19, Kosova & Bota CNA

Parlamenti Evropian ka miratuar një rezolutë  me 601 vota pro, 57 kundër dhe 36 abstenim, që dënon veprimet e paligjshme të Turqisë në zonën ekonomike të Greqisë.

Për më tepër PE shprehu shqetësim për faktin se ekziston probabiliteti për përshkallzimin e mëtejshëm ushtarak. Kësisoj dhe i bën thirrje Këshillit të marrë në konsideratë sanksione shtesë në rast të mosrespektimit të ligjeve nga Ankaraja.

Edhe para takimit të Këshillit Evropian në 24 dhe 25 Shtator, një pjesë e konsiderueshme e eurodeputetëve shprehën solidaritetin e tyre të plotë me Greqinë dhe Qipron dhe deklaruan se BE është e qartë dhe e vendosur për të mbrojtur interesat e tyre.

Eurodeputetët i kërkuan Turqisë që të përfundojë menjëherë kërkimet e paligjshme dhe shpimet në Mesdheun Lindor, të mos shkelë hapësirën ajrore Greke dhe ujërat territoriale Greke dhe Qipriote dhe të ndalojë ?retorikën nacionaliste?.

Ndërkaq, Parlamenti Evropian theksoi nevojën për dialog dhe bashkëpunim për të shmangur sanksionet ndaj Turqisë dhe i bëri thirrje Këshillit të përgatisë masa të mëtejshme në rast të mos progresit me Ankaranë./CNA.al





Lajmet e fundit nga