web counter
LEXO PA REKLAMA!

SHKARKO APP

App Store
Google Play

“Komshiu më mori me forcë poshtë pallatit, më prekte”/ I mituri në Berat trondit me dëshminë

13 Shtator 2020, 07:17, Kronika CNA

Një 16-vjeçar në qytetin e Beratit, ka denoncuar mbrëmjen e djeshme në Drejtorinë Vendore të Policisë Berat, ngacmimet seksuale ndaj tij nga një 66-vjeçar.

Në praninë e psikologëve dhe oficerëve të sektorit të krimeve, 16-vjeçari ka treguar se prej disa muajsh ai ishte ngacmuar seksualisht nga 66-vjeçari Romeo Oço, që rezulton të jetë komshiu i tij. Në dëshminë e dhënë para efetivëve të policisë ai ka treguar se si ka rrjedhur ngjarja.

?Për muaj me radhë komshiu im Romeo më prekte me duar në zonat intime dhe më detyronte me forcë që dhe unë ta prekja. Kjo histori vazhdon prej muajsh por unë kam pasur frikë prej tij dhe nuk i kam treguar askujt. Sot kur më mori duke më kërcënuar pas banesës së tij ai tentoi më shumë dhe unë nga frika dhe për të shpëtuar prej tij mora një gur,i qëllova në shpatull dhe u largova me vrap?.

16-vjeçari iu nënshtrua një vizite të specializuar mjekësore, nga e cila rezultoi se kishte shenja të dukshme të ngacmimit seksual. Pas denoncimit të minorenit dhe raportit të mjekëve, policia ka prangosur në banesën e tij 66-vjeçarin Romeo Oço./CNA.al





Lajmet e fundit nga