Studimi/ Vaksina e gripit tek gratë shtatzëna, nuk rrit rrezikun e autizmit tek fëmijët

5 Shtator 2020, 07:00, Blog CNA

Vaksinimi i grave shtatzëna me vaksinën kundër gripit të zakonshëm, nuk rrit rrezikun që foshnja që do të lindë të preket nga autizmi, ka konfirmuar një studim i ri. Studiuesit nga Instituti Karolinska në Stokholm të Suedisë, nuk gjetën asnjë lidhje midis vaksinës së gripit H1N1 gjatë shtatzanisë dhe rrezikut për prekjen nga çrregullimi i spektrit të autizmit (ASD).

Në studimin e tyre, botuar në ?Annals of Internal Medicine?, studiuesit e udhëhequr nga dr. Xhonas F.Ludvigsson, shkruajnë:?Ekzistojnë shqetësime se ekspozimi ndaj vaksinës së gripit gjatë shtatzënisë, mund të shoqërohet me një rritje të rrezikut për çrregullimin e spektrit autik (ASD)?.

?Ky studim i zgjeruar, nuk gjeti asnjë lidhje midis vaksinimit kundër H1N1 gjatë shtatzënisë, dhe rrezikut për prekjen me ASD të fëmijët?- theksojnë ata. Në studim, studiuesit analizuan të dhënat e lindjeve të gjalla midis tetorit 2009 dhe shtatorit 2010.

Në total, 39.726 foshnje ishin të ekspozuara para lindjes ndaj vaksinës së gripit, ndërsa 29.293 të tjera nuk ishin ekspozuar. Ekipi vëzhgoi më pas foshnjat në dhjetorin e vitit 2016, rreth 6 vjet pasi filloi studimi.

Rezultatet zbuluan se numri i rasteve të autizmit ishte praktikisht i njëjtë, si midis fëmijëve të ekspozuar ndaj vaksinës, ashtu edhe atyre që nuk ishin të ekspozuar. Kjo sugjeron se vaksinimi kundër gripit të zakonshëm i grave që janë shtatzëna, nuk e rrit aspak rrezikun që fëmija juaj të zhvillojë sëmundjen e autizmit.

Në një diskutim rreth gjetjeve të këtij studimi, dr.Anders Hvid nga Universiteti i Kopenhagës në Danimarkës, që nuk ishte i përfshirë në studim tha:?Nuk ka dyshim se vaksinimi gjatë shtatzënisë, është një strategji e rëndësishme për parandalimin e gripit. Infeksioni i gripit në shtatzëni, mund të paraqesë rreziqe serioze shëndetësore si për nënën ashtu edhe për fëmijën?.

?Vaksinimi në shtatzëni, mbron jo vetëm nënën dhe fetusin, por siguron gjithashtu mbrojtje direkte të fëmijës për shkak të transferimit tek ai të antitrupave të nënës, dhe indirekte duke e parandaluar transmetimin e virusit nga nëna tek fëmija?- thotë ai./ Përshtatur nga CNA.al