web counter
LEXO PA REKLAMA!

SHKARKO APP

Duma nxjerr zbuluar Ramën/ Si i gënjeu banorët e Laçit për spitalin e shembur nga tërmeti

5 Shtator 2020, 15:59, Politikë CNA

Ish-deputetja e Partisë Demokratike Grida Duma ka publikuar një video ku dëgjohen premtimet e kryeministrit Edi Rama për spitalin e Laçit dhe realiteti i trishtë rreth një vit pas tërmetit.

Duma deklaron se ashtu si çdo premtim, rindërtimi i spitalit të Laçit brenda 6 muajve të parë të 2020-ës nuk është bërë.

Demokratja thekson se spitali jo vetëm që s’ka përfunduar, por akoma nuk është pastruar nga rrënojat.

Qytetarët e Laçit që prej fundit të qershorit marrin kujdesin shëndetësor në spitalin 3D të Edi Ramës. Kryeministri, i cili fill pas tërmetit u shfaq me orë të tëra në ekrane me kostumin e propagandës, më 14 dhjetor i’u premtoi qytetarëve dhe stafit mjeksor të spitalit rajonal të Laçit, shembur pothuajse krejt nga tërmeti, se do ta ndërtonte spitalin e ri brenda 6 muajve të parë të vitit 2020.

Por si çdo premtim me videoprojektor dhe propagandë kryeministrore edhe spitali i Laçit mbeti thjeshtë një gënjeshtër. Iku pranvera bashkë me verën dhe spitali i Laçit është thjesht një grumbull inertesh dhe rrënoja si dëshmi e gënjeshtrës së Edi Ramës për banorët e bashkisë së Kurbinit?, shkruan ish-deputetja krahas videos./ CNA.al





Lajmet e fundit nga