E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Ekskluzive/ Ndryshimet në qeveri, një hap larg

4 Shtator 2020, 12:30, Politikë CNA

Kryeministri Edi Rama duket se po bën gati disa ndryshime në qeveri dhe për këtë kanë filluar jo vetëm thashethemet në qarqet politike, por edhe vetë emrat që lëvizin zakonisht në konjukturat politike, jo vetëm të Rilindjes, por edhe të kudnërshtarëve të cilët vëzhgojnë çdo ndryshim të mundshëm që mund të sjellë kryeministri Rama para zgjedhjeve.

Kreu i qeverisë ka filluar fushatën elektorale. Kohët e fundit ai mblodhi deputetët në Elbasan. Më pas mblodhi kryebashkiakët. Dje ka qënë me deputetët e qarkut të Tiranës, e kështu me radhë.

Ndërkohë pritet që në datën 11 shtator të mbledhë Asamblenë e PS-së, për të hedhur hapat final të fushatës. Pra, për të filluar lëvizjet në terren thuajse 7-8 muaj para zgjedhjeve.

Rama duket se po bën gjithçka që të sigurojë mandatin e tretë. Emëroi të deleguarit e qarqeve, iu dha detyra konkrete kryetarëve të bashkive dhe tani pritet të hedhë hapin e tij, të disa ndryshimeve, ndoshta edhe të nevojshme, në qeveri.

Së pari mendohet se Edi Rama do të zëvëndësojë zv.ministrin e Jashtëm, Gent Cakaj, i cili mban edhe detyrën e ministrit dhe disa emra përfliten për ta zëvëndësuar këtë të fundit. Një prej tyre është edhe ministrja e Mbrojtjes, Olta Xhaçka.

Rama duket se lëvizjet do t?i bëjë brenda kabinetit që ka, duke larguar disa emra, por tek tuk edhe duke shtuar ndonjë emër të ri. ?Situata në Kakavijë ende problematike?/ Lleshaj zbulon lëvzjen e radhës nga ana e policisë

Kjo për faktin se kërkon të shmangë një përplasje me Ilir Metën, i cili mund të mos dekretojë emrat e rinj të kryeministrit, duke i krijuar një ngërç.

Prandaj dhe zgjidhja është gjetur të ketë lëvizje të brendshme dhe ndoshta tek tuk edhe ndonjë emër i ri.

Emra të tjerë që përfliten për t?i lëvizur është edhe ministrja e Arsimit, Besa Shahini. Një emër surprizë është ai i Sandër Lleshajt, që në korridoret e socialistëve shihet si një emër i larguar nga qeveria, ndoshta për të shkuar tek ministria e Mbrojtjes, me profilin e tij si gjeneral.

Zv.kryeministri Erion Braçe është një emër tjetër, i cili aludohet se mund të shkojë si ministër i Bujqësisë. Astrit Patozi i përgjigjet ?dhëmb për dhëmb? Braçes/ Nuk të bie mirë përfundimi, Erion!

Pritet të ketë edhe të tjera lëvizje brenda kabinetit, por këto ngelen në kuadër të informacioneve brenda selisë së Partisë Socialiste, por asgjë nuk është e sigurtë.

Disa burime zyrtare thonë se këto janë spekulime, apo thashetheme, megjithëse thonë se Edi Rama nuk mund të shkojë pa ministër të Jashtëm në zgjedhje, apo nuk mund të shkojë në një kohë kaq të gjatë pa bërë ndryshime për të dhënë ritme të reja, apo për të rifreskuar disa struktura, të cilat e kanë të nevojshme të marrin një tjetër forcë në këto muaj dhe të shfaqin një tjetër energji përpara zgjedhjeve parlamentare të vitit 2021.

Shumë emra përfliten për qarkullim dhe lëvizje, por ende asgjë nuk është zyrtare. Megjithëse pritet që kryeministri Rama gjithçka ta bëjë të ditur në Asamblenë e PS-së, e cila mbahet në 11 shtator, ku dhe pritet të mësohen emrat e ministrave të rinj apo edhe ndryshimet që do bëjë në kabinet.

Është e njëjta situatë si ajo e rreth dy viteve më parë, ku Rama shkarkoi gati gjysmën e qeverisë dhe bëri emërimet e ministrave që ka sot.

Pra, do të duhet edhe gati një javë për të mësuar se kush do jenë emrat e rinj që do të hyjnë në kabinetin qeveritar, ata surprizë apo emrat e ministrave aktualë që mund të qarkullojnë, të cilët shpesh Rama i sjell si ndryshime befasuese dhe jo pa surpriza siç ishte dy vite më parë, rasti ekstrem i Gent Cakajt apo Besa Shahinit, që duket se këtë herë do të lëvizin nga detyrat që ata mbajnë. Filimi i vitit shkollor/ Besa Shahini takim me drejtuesit e drejtorive dhe zyrave arsimore vendore

CNA.al gjithashtu ka mësuar se disa emra nga grupi parlamentar, të cilët mund të mos kontestohen nga presidenti Meta dhe që mund të mos krijojnë ngërçe me Presidencën, do të jenë ata që do të zëvëndësojnë disa nga ministrat aktualë.

CNA.al po sjell disa nga emrat më të përfolur për të lëvizje, pa rënë pre e spekulimeve apo thashethemeve që çdo ditë po shtohen më shumë.

Megjithëse aty ku ka zë nuk është pa gjë, dhe vetë kryeministri Edi Rama dy ditë më parë në Vlorë nga gazetarët, nuk ka thënë një jo të prerë për ndryshimet në qeveri.

Po ashtu, i pyetur nga gazetari Muhamed Veliu, në një intervistë nëse do ketë ndryshime në qeveri, ai tha ?Tani për tani jo?. Çka do të thotë se lëvizje nuk do të ketë në këtë moment, por nuk përjashtoi mundësinë e ?surpriza? më vonë.

Por, ajo që pritet është se ditët apo javët e ardhshme do të sjellin risi për qeverinë e Ramës./ CNA.al