E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Akuzat e PD/ Ish-deputeti i PS publikon dokumentat e Gjykatës italiane: S’kam bërë asnjë ditë burg

4 Shtator 2020, 13:25, Politikë CNA

Sekretari për Çështjet Ligjore në PD, Çlirim Gjata deklaroi dje se kryeministri ka sfiduar publikisht ambasadoren e SHBA, Yuri Kim, pasi u shfaq në krah me ish-deputetin e larguar nga politika me vendim të KQZ si pjesmarrës në organizata kriminale, Shkëlqim Selami.

Pas këtyre akuzave ka ardhur edhe reagimi i Selamit, i cili përgënjeshtrojn PD dhe thotë se nuk ka bërë asnjë ditë burg.

Socialisti ka publikuar disa dokumenta nga Ministria e Drejtësisë italiane dhe dy vendime të Gjykatës së Shkallës së Parë dhe të Apelit të formës së prerë që provojnë pafajësinë e tij.

“Të nderuar miq , duke u nisur nga një postim i djeshëm jam i detyruar të bëj një sqarim për të gjithë ju që më mbështesni, se të ishte për këta nuk do të merresha kurrë: Më vjen vërtet keq për fatkeqësinë tuaj si forcë politike, sepse e katandisët si mos më keq duke hequr dhe ato pak vlera që qenë aty. E katandisët një parti pa vizion, pa ide, pa program, pa elektorat dhe kërkoni të merrni pushtet duke hedhur baltë pa lidhje.

E di që vazhdon prapavija politike, dhe e di që u gatua parmbrëmë në Vlorë nga ai që e gatoi edhe në 2016, por ju them, ta dini mirë, se ju si parti të bëheni bashkë me LSI në Vlorë nuk merrni dot vota sa marrë unë i vetëm. Ta lë mënjanë PS dhe Edi Ramën se atyre u bie elektorati nga spondi. Tani ju them ndryshoni taktikë për zgjedhjet e 2025 se këto të 2021 i keni humbur që kur dogjët! Ta marrësh vesh mirë o kuzhinier që nuk kam bërë asnjë ditë burg jo dy se janë shumë. Megjithatë po postoj disa dokumenta nga Ministria e Drejtësisë Italiane dhe dy vendime të Gjykatës së Shkallës së Parë dhe të Apelit të formës së prerë që provojnë pafajësinë time!

Latinët e vjetër thonë: ?…e kanë një arsye të gjithë ata që merren me ty….Arsyeja e vetme, është se nuk mundin të arrijnë deri atje ku je ti…? Vazhdo Mik udhën tënde të bukur”, shkruan Selami./ CNA.al