web counter
LEXO PA REKLAMA!

SHKARKO APP

Viti i ri shkollor/ Dasho nuk përmbahet: Komiteti i ekspertëve grupim i paaftë, ministrja të marrë vendim

18 Gusht 2020, 09:28, Sociale CNA

Eksperti i Shëndetit Publik, Erion Dasho, ka reaguar pas deklaratës së ministres së Arsimit Besa Shahini, se do të presë rekomandimet e komitetit të ekspertëve për të marrë një vendim për vitin e ri shkollor.

Nëpërmjet një postimi në rrjetet sociale, Dasho sulmon Shahinin dhe komitetin e ekspertëve, të cilin e quan të paaftë.

Sipas tij, rekomandimi i ekspertëve, në rastin më të mirë, nuk bën punë, kurse në rastin më të keq, të fut në qorrsokak.

?Një vit shkollor për fëmijët ka rëndësi të jashtëzakonshme. Nëse ai/ajo nuk do të studiojë në universitet, viti shkollor vlen afërsisht sa 10% e edukimit që do të marrë gjatë gjithë jetës!

Dje dëgjova Ministren e Arsimit se është duke pritur rekomandimet e komitetit për të vendosur se si do të zhvillohet procesi mësimor në vitin shkollor 2020-21! Kur po vjen fundi i gushtit!!!

Mesa duket vetëm znj. Shahini nuk e ka marrë vesh akoma se komiteti është një grupim i paaftë. Rekomandimi i tyre, në rastin më të mirë, nuk bën punë, kurse, në rastin më të keq, të fut në qorrsokak…?, shkruan ai./ CNA.al





Lajmet e fundit nga