web counter
LEXO PA REKLAMA!

SHKARKO APP

App Store
Google Play

E fundit!

x

Gafat e Varane kushtojnë shtrenjtë, Real Madridi i thotë lamtumirë Championsit

7 Gusht 2020, 21:01, Sport CNA

Rafael Varan ka ?tradhtuar? Realin në ndeshjen më vendimtare të sezonit. Dy gafat e francezit i kanë dhënë fitoren Mançester Sitit, në ndeshjen e kthimit të Ligës së Kampionëve për fazën e 1/8-ve.

Ndeshja nisi keq për Realin që në fillim, kur Varan në minutën e 9 me një gafë në mbrojtje, i rrëmbehet topi nga Zhezus, i cili pason te Stërling dhe ky i fundit nuk e ka të vështirë ta dërgojë topin në rrjetë. Në minutën e 28 Benzema pas një krosimi perfekt të marrë nga Rodrigo ia del ta dërgojë topin në rrjetë për të barazuar rezultatin.

Pjesa e dytë foli e gjitha për anglezët vendas, të cilët kishin disa raste të pastra, por përsëri shënaun falë një tjetër gafe të Varan. Ky i fundit gjatë kthimit të topit pas, gabon dhe e dorëzon atë te Zhezus, i cili shpërthen në drejtim të portës dhe ia del të shënojë. Këtë avantazh të besuarit e Guradiolës e ruajtën deri në fund dhe Siti u kualifikua për në çerekfinale me rezultatin e përgjithshëm 4-2. Në fazën tjetër Siti do përballet me Lionin që eliminoi Juven.





Lajmet e fundit nga