web counter
LEXO PA REKLAMA!

SHKARKO APP

App Store
Google Play

Kallaku firmos me ekipin e ri, ja sa ka përfituar Teuta nga shitja e tij

29 Korrik 2020, 15:31, Sport CNA

Teuta e këtij sezoni tregoi se mund të arrijë objektiva dhe të rrisë lojtarë të rinj për t?i shitur më pas në arena më të mëdha të futbollit. Ai që ra më shumë në sy ishte Sherif Kallaku. Fantazisti, që tregoi se di të shënojë edhe gola u shndërrua në një lider dhe i dha shumë frymëmarrje Martinit, i cili më pas krijoi edhe një varësi të madhe ndaj 22-vjeçarit.

Fuqia e Superiores për të mbajtur Kallakun në Shqipëri mbaroi. Talenti i durrsakëve nuk do të jetë më i tyre brenda pak ditësh sepse është arritur marrëveshja për ta shitur në Kroaci. Si gjithmonë janë ata, Lokomotiva Zagreb, vitrina e rrugës së shqiptarëve drejt arenave të mëdha të futbollit.

Supersport mëson se gjithçka është e mbyllur dhe pritet vetëm zyrtarizimi, Sherif Kallaku do të luajë sezonin e ardhshëm te Lokomotiva. Teuta pritej të përfitonte më shumë, por mesa duket kroatët dinë të bëjnë më mirë se ne pazar. Durrsakët përfitojnë vetëm 150 mijë euro nga shitja e Sherif Kallakut, teksa do të mbajnë 10% të vlerës së kartonit të fantazistit.

Lojtarit do i ofrohet kontratë deri në vitin 2023, ndërsa paga e tij nuk bëhet ende e ditur. Kallaku largohet pas tre sezonesh në Kategorinë Superiore, ku fillimisht e nisi me Laçin për të kaluar më pas dy edicione me Teutën, ku arriti të fitojë edhe biletën drejt një vitrine më prestigjoze për të arritur synimet e tij në karrierë. Këtë sezon ai u bë autor i 14 golave për Teutën.





Lajmet e fundit nga