web counter
LEXO PA REKLAMA!

SHKARKO APP

App Store
Google Play

E fundit!

x

Opozita e Bashkuar ngul këmbë/ “Këshilli Politik të mblidhet nesër”

22 Korrik 2020, 12:11, Politikë CNA

Opozita e Bashkuar ka ngulur sërish këmbë që mbledhja e Këshillit Politik të mblidhet nesër ose pasnesër dhe jo sot siç ka kërkuar mazhoranca.

Nëpërmjet një emaili, opozita i përgjigjet kryeministrit Edi Rama dhe thotë se edhe ata janë dakord se nuk duhet humbur asnjë ditë kohë.

Opozita më tej rendit disa çështje për të cilat thotë se duhet të përfshihen në Rendin e Ditës së mbledhjes së rradhës.

“Edhe ne gjykojmë që Këshilli Politik duhet të vijojë punë pa humbur asnjë ditë kohë, sepse kemi humbur shumë kohë për miratimin dhe zbatimin e Marrëveshjes së 5 Qershorit. Në këtë kuadër, rikonfirmojmë gatishmërinë tonë për të vijuar punën në Këshillin Politik, të enjten ora 17:00 ose të premten ora 11:00, sipas zgjedhjes tuaj.

Gjithashtu, ju konfirmojmë se bashkërisht kemi rënë dakord në Marrëveshjen e 5 Qershorit, që duhet të vijojmë punën në Këshillin Politik për zbatimin e pikave 11 dhe 12 të saj, ku specifikohet se: ?11. Masat shtesë: Këshilli Politik do të vazhdojë të diskutojë në mirëbesim dhe të përpiqet të arrijë zgjidhje të përbashkëta ku dhe kur është e mundur të adresohen rekomandimet kryesore të ODIHR lidhur me: (1) blerjen e votës; (2) presionin ndaj votuesve dhe administratës publike; (3) keqpërdorimin dhe abuzimin me administratën publike; (4) marrëveshjet e fshehta me grupet kriminale; (5) lirinë dhe sekretin e votës; dhe (6) manipulimin dhe falsifikimin e rezultateve zgjedhore. Në rast të mosprogresit këto propozime NUK do të ndërhyjnë apo vonojnë një marrëveshje dhe kalimin në parlament të masave të dakordësuara në pikat 1-9.  12. Hyrja në fuqi: Pikat 1, 2, 3, 7, 9, 9, 10 dhe 11 më sipër dhe dy shënimet poshtë do të hyjnë në fuqi për zgjedhjet e ardhshme (parlamentare dhe vendore). Pikat 4, 5 dhe 6 më sipër do të hyjnë në fuqi pas zgjedhjeve të ardhshme zgjedhore dhe parlamentare.?.

Për këtë arsye, kërkojmë mirëkuptimin tuaj për përfshirjen e këtyre çështjeve në Rendin e Ditës së mbledhjes së rradhës”, thuhet në përgjigje./ CNA.al

Opozita reagon pas ftesës së Ramës/ Kushti për të marrë pjesë në mbledhje

Rama i përgjigjet opozitës/ ?Miqtë opojashtëparlamentarë duhet të mos shohin gishtin kur tregon hënën?

 





Lajmet e fundit nga