web counter
LEXO PA REKLAMA!

SHKARKO APP

App Store
Google Play

E fundit!

x

Interi bëhet qesharak në kampionat, e mposht Bolonja me përmbysje

5 Korrik 2020, 17:37, Sport CNA

Bolonja ka turpëruar Interin në shtëpi, teksa i ka mposhtur me rezultatin 2-1 me përmbysje. U zhvillua një ndeshje spektakolare në Milano, ku zikaltërit pas një pjese të parë shumë të mirë, u shpërfytyruan në të dytën. 45 minutat e para u mbyllën me avantazhin e Interit, falë golit të Lukakut në minutën e 22?.

Pjesa e dytë nisi përsëri mirë për vendasit, pasi Bolonja mbeti me 10 lojtarë pas daljes me të kuq të Sorianos në minutën e 57?. Gjithashtu në minutën e 62, ekipi i Kontes fiton penallti, por Lautaro i cili e merr përsipër, e humbi atë.  Kur të gjithë prisnin golin e Interit, ndodhi ajo që askush nuk e priste. Bolonja me 10 lojtarë ia doli të barazojë shifrat në minutën e 74? me anë të Xhuara.

Gjithçka u vështirësua për Interin në minutën e 77? kur Bastoni u ndëshkua me të kuq. Nga kjo përfitoi Bolonja, që u hodh në sulm dhe në minutën e 80? Barrou i dha goditjen përfundimtare vendasve kur përmbysur rezultatin, të cilin e mbrojtën deri në fund.

Me këtë humbje Interi ngel në vendin e 3-të me 63 pikë, 4 më pak se Lacio e vendit të dytë dhe 11 më pak se Juvja e vendit të parë.





Lajmet e fundit nga