web counter
LEXO PA REKLAMA!

SHKARKO APP

App Store
Google Play

E fundit!

x

“Parlamenti të miratojë Kodin e ri Zgjedhor”/ PD thirrje Ruçit: Ushtro përgjegjësitë si Kryetar Kuvendi

2 Korrik 2020, 09:16, Politikë CNA

Partia Demokratike, e përfaqësuar nga sekretari i Përgjithshëm Gazment Bardhi, ka bërë një kërkesë publike për kryetarin e Parlamentit Gramoz Ruçi.

Bardhi deklaron se ndryshimet konsensuale në Kodin Zgjedhor duhet të miratohen pa asnjë vonesë në Parlament.

Demokrati i kërkon Ruçit të ushtrojë përgjegjësinë si kryetar i Kuvendit dhe të përfshijë ndryshimet në Kodin Zgjedhor në seancën plenare të radhës.

?Miratimi pa vonesa i ndryshimeve konsensuale në Kodin Zgjedhor do të ishte hapi i parë për të dëshmuar vullnet për përmbushjen e kushteve për hapjen e negociatave. Çdo ditë që vonohet përfshirja e këtyre ndryshimeve për miratim në seancë plenare është një ditë e humbur në rrugëtimin e Shqipërisë në BE.

Zbatimi sa më parë i ndryshimeve ligjore do të mundësonte jetësimin e garancive shtesë, përfshirë fillimin nga puna sa më parë të KQZ për zbatimin e identifikimit biometrik.

Kryetari i Kuvendit të ushtrojë përgjegjësinë e tij për të mundësuar përfshirjen e ndryshimeve në Kodin Zgjedhor në seancën plenare të rradhës. Në këtë mënyrë, 3 vite nga fillimi i punës për Reformën Zgjedhore dhe 1 muaj nga Dakordësia e 5 Qershorit, Shqipëria ka shansin të tregojë se integrimi europian është vërtetë prioritet kombëtar dhe se institucionet janë të përkushtuara për të ushtruar përgjegjësitë e tyre, pa vonesa, në këtë proces jetik për të ardhmen europiane të Shqipërisë?, deklaron Bardhi./ CNA.al





Lajmet e fundit nga