web counter
LEXO PA REKLAMA!

SHKARKO APP

App Store
Google Play

E fundit!

x

Aktakuza nga Prokuroria e Hagës/ Haradinaj del në mbrojtje të Thaçit dhe Veselit: Besoj në pafajësi

24 Qershor 2020, 16:20, Kosova & Bota CNA

Mediat në Kosovë raportuan sot se Prokuroria e Hagës ka ngritur zyrtarisht akuza ndaj presidentit të Kosovës Hashim Thaçi dhe kryetarit të PDK Kadri Veselit, për krime lufte, vrasje të paligjshme, zhdukje të detyruar të personave, përndjekje dhe tortura.

Për këtë ka reaguar edhe ish-kryeministri i Kosovës Ramush Haradinaj, i cili del në mbrojtje të presidentit Thaçi dhe Veselit.

Haradinaj deklaron se beson në pafajësinë e Thaçit dhe kreut të PDK-së, ndërsa thotë se Ushtria Çlirimtare e Kosovës ka bërë luftë të pastër.

?Populli shqiptar i Kosovës me të drejtë zhvilloi luftë për liri, pas shtypjes së egër nga regjimet e ndryshme serbe, që zgjati pothuajse një shekull, duke kulmuar me regjimin e Millosheviqit.
Ushtria Çlirimtare e Kosovës ka bërë luftë të pastër, rezultat i së cilës ishte liria dhe themelimi i Republikës së Kosovës. Ne besojmë në pafajësinë e Presidentit Thaçi, kryetarit Veseli dhe të gjithë bashkëluftetarëve të tjerë?, shkruan ai në rrjetet sociale./ CNA.al





Lajmet e fundit nga