E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Media italiane “i përvishet” Ramës/ Kjo është një goditje e ulët

23 Qershor 2020, 09:16, Politikë CNA

Media italiane ?Il Gornale?, në një shkrim të publikuar sot, i ka kushtuar vëmendje kompanive italiane që ushtrojnë aktivitetin e tyre në Shqipëri.

Në shkrim thuhet se kryeministri Edi Rama ka bërë shume premtime, për të tërhequr investitorët italianë, por më i ka pritur një ?surprizë?.

?Ishte 19 shtatori i vitit të kaluar dhe Kryeministri shqiptar Edi Rama, nga Bari, nuk la fjalë pa thënë për të tërhequr investitorët italianë në Tokën e Shqiponjave.

Pastaj mbërriti Covid dhe qeveria e Tiranës dërgoi mjekë që të na ndihmojnë të përballojmë sëmundjen për të treguar miqësinë e tij.

Por pas pandemisë, megjithatë, një surprizë e keqe i priste kompanitë italiane në sektorin e energjisë, të cilat vitet e fundit kanë vendosur të punojnë në anën tjetër të Adriatikut. Veçanërisht ata që i shesin energji qeverisë.

Llogaritja e çmimit të shitjes së energjisë së prodhuar nga individë privatë (16% e kërkesës kombëtare, në vitin 2019) është vendosur në fillim të vitit me një llogaritje të lidhur me indeksin e bursës hungareze dhe kursin e këmbimit euro / lek. Në maj, megjithatë, Rama uli koeficientin, duke ulur çmimin me rreth 8%.

Një goditje e ulët, dhe jo e vetmja. Kjo sepse ky është “ndryshimi i tretë i njëanshëm i imponuar nga qeveria shqiptare ndaj investitorëve në sektorin hidroelektrik”.-shkruan Il Giornale.

Më tej, media italiane shkruan se, ?flitet që qeveria shqiptare mund të rrisë taksën mbi fitimet për kompanitë nga 15 përqind sot në 17-20 përqind, duke irrituar skemën e lehtësimit të taksave që preku kompanitë e energjisë. Dhe ka frikë se qeveria dëshiron monopolin e shtetit për energjinë.?

Gjithashtu, Il Giornale, citon edhe presidentin e ?Confindustria Albania?, Sergio Fontana, i cili thekson se “Ne jemi të gatshëm për t’u ulur në një tryezë diskutimi me kryeministrin Rama?.

Gjithashtu ai thotë se “Shqipëria ka një ar të kaltër që meriton të shfrytëzohet, por që e gjithë kjo të jetë e mundur Shqipëria duhet të vendosë rregulla të standardit evropian”./ CNA.al