web counter
LEXO PA REKLAMA!

SHKARKO APP

App Store
Google Play

E fundit!

x

Shahini nuk mban më/ I kthehet keq opozitës dhe mediave: Skandaloze që më kritikoni nga prejardhja

22 Qershor 2020, 18:00, Politikë CNA

Ministrja e Arsimit, Besa Shahini, ka reaguar pas deklaratave të opozitës dhe kërkesës për shkarkimin e saj.

Shahini ka sulmuar opozitën dhe mediat opozitaare që i kanë kërkuar të kthehet nga ka ardhur, ndërsa thotë se është skandaloze të kritikohet një shqiptar i Kosovës nga prejardhja.

?Nuk e kam kuptuar kurrë se si disa përfaqësues të opozitës ? deputetë të dorëhequr dhe në shërbim, këshilltarë dhe ish-këshilltarë ? bashkë me portalet e tyre, ia kanë lejuar vetes të më kritikojnë prejardhjen dhe dialektin, duke shfaqur përçmim ndaj shqiptarëve që flasin si unë dhe në veçanti ndaj kosovarëve. Të thuhet ?Kthehu prej nga ke ardhur!? ka qenë e papranueshme gjithmonë, por t?i thuhet një shqiptari me prejardhje nga Kosova në 2020-tën, është skandaloze!

Ky sentiment anti-shqiptar, gati racist i disa opozitarëve, është në mospërputhje të plotë me realitetin e një shkëmbimi dhe bashkëveprimi serioz të bashkëkombasve tanë në të gjithë rajonin. Qytetarët e Shqipërisë ndajnë të njëjtin gëzim që kam edhe unë për faktin se shqiptarët janë sot më të bashkuar se kurrë, një prej dëshmive të së cilit është padyshim edhe prezenca e ministrave me prejardhje nga Kosova në qeverinë e Republikës së Shqipërisë?, shkruan ajo në rrjetet sociale.

Ministrja thekson se është tejet e rrezikshme për të ardhmen e popullit tonë nëse mbjellim sentiment anti-shqiptar tek të rinjtë.

?Tani, unë nuk mendoj se opozita është seriozisht anti-shqiptare. Ajo është thjesht e dëshpëruar nga mungesa e përkrahjes popullore dhe mungesa e argumenteve kundër qeverisjes së PS në arsim. Ata janë të vetëdijshëm se përderisa me qeverisjen e tyre kanë jetësuar dhe mundësuar shitblerjen e diplomave fallco, nuk kanë argumente të kritikojnë standardin që po kërkojmë ne në arsimin e lartë.

Partia që ka shitur vendet e punës për mësuesit nuk ka fytyrë të kritikojë depolitizimin e punësimit të mësuesve përmes portalit ?Mësues për Shqipërinë?. Partia, e cila përmes ?altertekstit? ka çoroditur totalisht shkollat shqiptare për gati një dekadë ? dëmi i të cilit po merr edhe një dekadë shtesë të riparohet ? nuk ka se si të kritikojë politikën e librave falas nga botuesit më të mirë botërorë, që po u jepen tashmë falas 2/3 e nxënësve të arsimit parauniversitar.

Nga frustrimi i mungesës së argumenteve reale kanë vendosur të reduktojnë gjithë kritikën e tyre në krijimin e ?tjetrit? ? në këtë rast, ministri që flet ndryshe nga disa prej tyre ? dhe ftesës për ta urryer atë.

Kritikat ndaj qeverisjes janë legjitime dhe unë do të mbroj të drejtën e të rinjve për të protestuar. Por, nuk guxojmë të lejojmë që opozita të helmojë mendjet e brezave të rinj me anti-shqiptarizëm vetëm e vetëm sepse nuk kanë argumente reale kundër punës sime. Në fund, dëshpërimi i opozitës është problem ekskluzivisht i tyre dhe nuk duhet të lejojmë që të na çojë drejt një rruge të rrezikshme të përçarjes kombëtare?, nënvizon Shahini./ CNA.al





Lajmet e fundit nga