E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Vettingu në polici/ Instituti i Studimeve Politike: Një dështim tjetër i suksesshëm!

15 Qershor 2020, 17:40, Aktualitet CNA

?Vettingu në polici, një histori dështimi?? Këtë pyetje e shtron Instituti i Studimeve Politike, teksa kujton se vettingu në polici u miratua në mars të vitit 2018 përmes ligjit 12/2018.

ISP thotë se vettingu në polici nisi me bujë dhe me premtime të mëdha dhe do të duhej të kishte vendimmarrje brenda 1 viti, por thekson se në fakt, jo vetëm që procesi nuk mori zgjidhje, por Parlamenti amendoi ligjin, duke ndryshuar nivelin dhe sasinë e drejtuesve të policisë që do të përballeshin me vettingun.

Instituti deklaron se Parlamenti ka marrë një tjetër nismë për një tjetër ndryshim të ligjit, ndërsa e cilëson si një dështim të suksesshëm.

?Iku 2018, iku 2019 dhe tashmë ka kaluar edhe marsi 2020, pra më shumë se dy vjet më vonë… dhe qeveria & parlamenti, përsëri ka në rend dite ndryshim tjetër të ligjit të vettingut në polici duke hequr edhe afatin ligjor për përfundimin e tij. Tri nisma ligjore në tri vjet, dy ndryshime në dy vjet! Si është e mundur që një ligj me kaq ndikim dhe i vlerësuar si kaq i rëndësishëm të ndryshojë çdo vit?

Bilanci numerik? Një dështim tjetër i suksesshëm. Ju kujtohen lajmet në media për vetvrasje të policëve në garën e çmendur për të mbledhur shkresa 30 vjeçare? Ajo u harrua dhe askush nuk hetoi. Zyrtarisht, nga 45 subjektet e shortuara në listën e parë vetëm 21 kanë përfunduar procesin, nga të cilët 2 vendosen vetë të largohen me dorëheqje. Pra as 50% e listës së parë! Nga më shumë se 290-298 grada madhore në Polici, kanë përfunduar vettingun në 2 vjet vetëm 8% e tyre!! As vetë ?kontrollorët? e shërbimit të brendshëm nuk kanë kaluar ende vettingun. Pa hyrë në detaje për të gjykuar sa profesionale ishte vendimmarrja për 8% e vetuar (se si emra të njohur në polici për një numër skandalesh apo të dhënash kritike, ia dolën të kalojnë provën e vettingut), – çështja më e rëndësishme është:

Si mund të bëhet një reformë serioze kur ligji ndryshon çdo vit, dhe kur madje ndryshimi në ligj nis pa filluar jetësimi i ligjit organik të miratuar? Si është e mundur që i njëjti Parlament dhe të njëjtit deputetë të miratojnë ligjin, pastaj ta ndryshojnë, pastaj përsëri ta ndryshojnë dhe asnjë prej tyre të mos ndërmarrë asnjë nismë për nxjerrjen e përgjegjësisë për gafa/dështime të tilla? Ky është një rast tipik kur ligjet bëhen pa menduar për mënyrën e zbatimit të tij, pa akte nënligjore të plota dhe pa llogaritur efektin tek fokusi i ligjit, institucionet e shoqëria. Praktika të tilla, sipas të cilave reforma të mëdha, me pritshmëri të mëdha, me premtime të mëdha dhe me impakt të madh në shtet e shoqëri, më së paku, meritojnë minimumin e respektit dhe të vëmendjes. Vettingu në polici e humbi këtë shans dhe tashmë askush nuk do ta marrë përsipër as nismën ligjore për të dhe as ecurinë e procesit?, deklaron ISP./ CNA.al