web counter
LEXO PA REKLAMA!

SHKARKO APP

App Store
Google Play

“Të ndryshojmë sjellje urgjent”/ Rama paralajmëron qytetarët: Do kthehemi në karantinë nëse...

11 Qershor 2020, 17:17, Politikë CNA

Kryeministri Edi Rama ka reaguar sërish lidhur me situatën aktuale shëndetësore në vendin tonë, duke qenë se shifrat kanë ardhur duke u rritur gjatë ditëve të fundit.

Me anë të një videolive, Rama i kërkoi qytetarëve të respektojnë masat, pasi theksoi se virusi është ende mes nesh dhe nuk është mposhtur.

Kreu i qeverisë paralajmëroi se nëse shifrat do të vazhdojnë me tendencë rritjeje dhe nëse të shtuarit në spital do të jenë më të shumtë në numër, do të rikthehemi sërish në karantinë.

?Do bëhemi njerëz e do zbatojmë rregullat, apo do bëjmë si lopa që i bie me shqelm qumështit pasi e mbush, por jam shumë i shqetësuar se nuk kam ndërmend të bëj sehir se si shumë e kanë harruar që koronavirusi nuk ka ikur. Prej 3 ditësh kemi më shumë shtrime në spital se në kulmin e tij, nuk dua të lëshoj ofensivën ndëshkimore për bizneset që nuk respektojnë protokollet, e di mirë se sa kanë vuajtur, por nuk kam ndryshuar mendim. Ekonomia bie dhe ringrihet, të vdekurit jo. Nuk dua që ndëshkimet të jenë as për njerëzit moskokëçarës, tani që jemi hapur. E di se sa kanë duruar të gjithë dhe kur solidariteti i pashoq na nxori faqebardhë,  nuk dua ta mendoj karantinnën.

Nëse vazhdojmë kështu dhe nuk ndryshojmë sjellje të gjithë urgjent, menjëherë dhe nëse numrat e të shtruarve vazhdojnë të rriten, atëherë me keqardhje, por realisht nuk do kemi çfarë të bëjmë dhe do duhet të rifillojmë nga e para. Prandaj ju lutem, t?i thërrasim mendjes dhe të bëjmë gjënë e duhur. E kemi vetë në dorë?, theksoi Rama./ CNA.al





Lajmet e fundit nga