web counter
LEXO PA REKLAMA!

SHKARKO APP

App Store
Google Play

Nuk lejonte fëmijët të shkolloheshin dhe u përplas me policinë/ Lihet në burg Roland Kryemadhi

7 Qershor 2020, 10:38, Kronika CNA

Lihet në burg Roland Kryemadhi, i arrestuari për akuzën se ka dhunuar fëmijët dhe se nuk i ka lënë të shkojnë në shkollë.

Mësohet se Gjykata ka vendosur masën e arrestit me burg për kundërshtim dhe kanosje të forcave të policisë.

Avokati i tij e ka cilësua të paligjshëm këtë vendim, pasi pretendon se nuk ka pasur një akuzë konkrete.

?Fillimisht është thënë që ky person kishte armë, kishte kërcënuar dhe terrorizuar qytetin. Por, pas kontrollit, atij nuk i është gjetur asnjë armë. Ndaj policia gjyqësore ka hiperbolizuar ngjarjen. Është e vërtetë që ky ka kundërshtuar në gjykatë, por në kushtet e një varfërie ekstreme.

Gjykata kërkoi caktimin e masës ?arrest me burg?, duke e akuzuar për kanosje, fyerje, apo mbajtje e armëve të ftohta. Atij i është gjetur një thikë, që është normale për çdo familje shqiptare. Ne kërkojmë një masë më të butë ndaj tij, një arrest shtëpie, apo detyrim paraqitje, pasi nuk është person me rrezik. Nuk kishte akuzë konkrete lidhur me shkollimin e fëmijëve?, tha avokati.

Ndërkohë, kujtojmë se Kryemadhi akuzohet se nuk i lejonte fëmijët të shkolloheshin me pretendimin se i shkollon Allahu, ndërsa në momentin kur efektivët i kanë shkuar në shtëpi, ai është përplasur me ta dhe i ka kërcënuar të mos afrohen me armë. / CNA.al





Lajmet e fundit nga